U jaki čas najbolšaja ryzyka narvacca na klašča?
Doktarka-epidemijołah Nastaśsia Laškievič paviedamiła, što najbolšuju aktyŭnaść klaščy prajaŭlajuć ranicaj, z 8:00 da 11:00, i ŭviečary — z 17:00 da 20:00.
Zdymak ilustracyjny. Fota: «Naša Niva»
Pa słovach śpiecyjalistki, klaščoŭ možna sustreć jak u sielskaj miascovaści, tak i ŭ haradach. Jany lepš za ŭsio adčuvajuć siabie ŭ vilhotnaje i pachmurnaje nadvorje, a śpioka, vysokaja tempieratura i pramyja soniečnyja pramiani źnižajuć ich aktyŭnaść.
Zvyčajna klaščy čakajuć ludziej abo žyvioł u vysokaj travie, paśla čaho čaplajucca da adzieńnia ci poŭści. Čaściej za ŭsio jany prysmoktvajucca ŭ miescach z tonkaj skuraj — u padpachach, pachvinie, na šyi, za vušami i na ŭnutranym baku łokciaŭ.
Kab źnizić ryzyku ŭkusu, Nastaśsia Laškievič raić nasić zakrytaje adzieńnie i hałaŭny ŭbor, padčas adpačynku na pryrodzie rehularna ahladać siabie i svaich spadarožnikaŭ, a taksama vykarystoŭvać repielenty, jakija možna nanosić na skuru abo adzieńnie.
Akramia taho, dla prafiłaktyki varta padtrymlivać paradak na prysiadzibnych učastkach: svoječasova skošvać vysokuju travu, prybirać pustazielle, suchastoj i śmiećcie.
Čytajcie taksama:
Jak pry dapamozie smartfona svoječasova znajści klašča, jakoha nie bačyć voka
«Fu, brydota! Dzie kupić?» Biełaruski dyzajnier prydumaŭ zavušnicy ŭ vyhladzie klaščoŭ