U Biełahraprambanka pierastaŭ pracavać na ajfonach mabilny dadatak
U Biełahraprambanku časova pierastaŭ pracavać mabilny dadatak na pryładach Apple — iPhone i iPad, paviedamiła pres-słužba ŭstanovy.
Fota ilustracyjnaje
U banku paviedamili, što ŭvachod u dadatak niedastupny praź źniešnija abmiežavańni. Pry hetym klijentaŭ zapeŭnili, što ryzyki straty hrošaj abo piersanalnych danych niama, a dostup starońnich asob da rachunkaŭ vyklučany.
Pakul prablema nie vyrašanaja, klijentam rekamiendujuć karystacca internet-bankinham dla apłaty, pieravodaŭ i inšych apieracyj. Dla zručnaści spasyłku na jaho možna dadać na hałoŭny ekran pryłady praz braŭzier.
U banku zajavili, što pracujuć nad alternatyŭnymi techničnymi rašeńniami, kab adnavić zručny dostup da bankaŭskich pasłuh dla karystalnikaŭ iOS.
Pryčyna zboju pakul nie paviedamlajecca. Raniej u biełaruskich bankaŭ taksama ŭźnikali padobnyja prablemy: u niekatorych vypadkach mabilnyja dadatki byli niedastupnyja abo vydalalisia z App Store, ale z časam ustanovy znachodzili sposaby adnavić pracu servisaŭ.