Rustema Umierava Zialenski taksama pamianiaje

Prezident Ukrainy Uładzimir Zialenski prapanavaŭ byłomu ministru ŭnutranych spraŭ Ukrainy Iharu Klimienku zaniać pasadu sakratara Rady nacyjanalnaj biaśpieki i abarony Ukrainy (RNBA). Pavodle jaho słoŭ, adpaviedny ŭkaz ab pryznačeńni ŭžo rychtujecca.

Ihar Klimienka. Fota: Ofis prezidenta Ukrainy

Zialenski adznačyŭ, što Klimienka dobra zarekamiendavaŭ siabie padčas pracy ŭ sistemie Ministerstva ŭnutranych spraŭ i efiektyŭna reahavaŭ na roznyja vykliki. Na novaj pasadzie jaho hałoŭnaj zadačaj budzie kaardynacyja pracy ŭsich struktur u śfiery biaśpieki i abarony, kantrol za vykanańniem rašeńniaŭ RNBA i Staŭki Viarchoŭnaha hałoŭnakamandujučaha, a taksama raźvićcio abaronnaj vytvorčaści.

Ciapier pasadu sakratara RNBA zajmaje Rustem Umieraŭ. Paviedamlajecca, što ŭ jaho z prezidentam Ukrainy pavinna adbycca asobnaja razmova. Pakul nieviadoma, jakuju novuju pasadu jon moža atrymać nadalej.

Raniej razhladałasia mahčymaść pryznačeńnia Ihara Klimienki ministram abarony Ukrainy zamiest Michaiła Fiodarava. Zialenski ličyŭ, što Klimienka moža dapamahčy vyrašyć prablemnyja pytańni, źviazanyja z mabilizacyjaj. Adnak paśla pratestaŭ u padtrymku Fiodarava Klimienka admoviŭsia ad pasady kiraŭnika Ministerstva abarony.

Kamientary da artykuła