12‑hadovy chłopčyk ledź nie patanuŭ u Škłovie
Učora ŭviečary ŭ Škłovie na haradskim plažy na Dniapry adbyŭsia vypadak, jaki moh skončycca trahiedyjaj.
12‑hadovy školnik z Mahilova adpačyvaŭ na plažy razam z baćkam. Vyrašyŭšy vykupacca, jon adpłyŭ usiaho na piać mietraŭ ad bieraha, dzie hłybinia raki składaje kala dvuch mietraŭ. Na žal, dzicia nie raźličyła svaje siły i pačało tanuć, paviedamlaje Tavarystva vyratavańnia na vodach.
Baćka chłopčyka adrazu kinuŭsia na dapamohu. A 17:10 dziakujučy apieratyŭnym dziejańniam baćki i matrosa-ratavalnika Tavarystva vyratavańnia na vodach, jaki svoječasova kinuŭ vyratavalnaje koła, dzicia ŭdałosia vyratavać.