U paleścinskaj hrupoŭki CHAMAS źjaviŭsia novy lidar
CHAMAS pryznačyŭ svaim novym lidaram Chalila al-Chaju, paviedamiła ahienctva Reuters sa spasyłkaj na zajavu ruchu. Jon staŭ pierajemnikam Jachji Sinvara, zabitaha izrailskimi vajskoŭcami.
Chalil al-Chaja
Al-Chaja šmat hadoŭ byŭ adnym z klučavych funkcyjanieraŭ CHAMAS, žyŭ u asnoŭnym u Katary i ŭdzielničaŭ va ŭskosnych pieramovach ź Izrailem pa zakładnikach i spynieńni ahniu.
Al-Chaja ličyŭsia blizkim sajuźnikam Jachji Sinvara i adnym z samych upłyvovych lidaraŭ CHAMAS pa-za miežami Hazy. Pavodle danych Reuters, jon pieražyŭ niekalki sprob Izraila jaho zabić, u tym liku ŭdar pa Dosie ŭ 2025 hodzie. Padčas roznych izrailskich udaraŭ zahinuli niekalki jaho svajakoŭ.
Hazieta The New York Times raniej pisała, što pierad atakaj 7 kastryčnika 2023 hoda pradstaŭniki CHAMAS abmiarkoŭvali płany ź Iranam, a al-Chaja ŭdzielničaŭ u kantaktach z vysokapastaŭlenym pradstaŭnikom Korpusa vartavych isłamskaj revalucyi. U studzieni 2025 hoda jon nazyvaŭ napad na Izrail 7 kastryčnika «histaryčnym momantam» i «vajskovym dasiahnieńniem».
Čytajcie taksama:
CHAMAS abviaściŭ pra rospusk svajho ŭrada ŭ siektary Haza
Izrail abviaściŭ pra hibiel novaha kiraŭnika vajennaha kryła CHAMAS
U Hazie izrailskim udaram zabity kiraŭnik uzbrojenaha kryła CHAMAS