Być niaviernym partnioram
Samki ptušak, jakija sparvajucca nie tolki z adnym partnioram takim čynam padvyšajuć šancy na vyžyvańnie svajho patomstva — da takich vysnovaŭ pryjšli daśledčyki z ŭniviersitetu Ŭschodniaj Anhlii.
Pytańnie «Čamu niaviernaść tak šyroka raspaŭsiudžana ŭ žyviolnym carstvie?» doŭhi čas zajmała bijołahaŭ. I chacia bolšaść samak u ptušak prytrymlivajucca t.zv. sacyjalnaj manahamii — kali jany ŭtvarajuć paru tolki z adnym samcom, jaki dapamahaje vyhadavać patomstva, paraŭnańnie DNK baćkoŭ i ich patomstva dazvalaje śćvierdzić, što navat u takich vypadkach pa mienšaj miery niekatoryja z patomkaŭ majuć inšaha bijałahičnaha baćku čym toj, jaki ich hadavaŭ.