Kiraŭničku «Biełsata» ŭznaharodziać, niahledziačy na źmieny va ŭschodniaj palitycy Polščy

Ramašeŭskaja-Huzy i «Biełsat» atrymajuć premiju imia Hiedrojcia.

Ramašeŭskaja-Huzy i «Biełsat» atrymajuć premiju imia Hiedrojcia.

Viečaram 9 listapada ŭ Karaleŭskim zamku ŭ Varšavie adbudziecca ŭručeńnie prestyžnaj uznaharody haziety «Žečpaspolita» imia Ježy Hiedrojcia. Uznaharoda znachodzicca pad patranatam prezidenta Polščy i budzie ŭručacca ŭžo dziesiaty raz — roŭna stolki hadoŭ minuła z dnia śmierci Hiedrojcia.

Štohod jaje uračysta ŭručajuć asobam, jakija prajavili siabie ŭ hramadskim i palityčnym žyćci Polščy, umacoŭvali jaje pazicyi ŭ ES i raźvivali adnosiny ź jaje susiedziami.

Akramia «Biełsata» i Ahnieški Ramašeŭskaj-Huzy, naminacyju na ŭznaharodu atrymali inšyja vybitnyja asoby. Siarod ich kiraŭnik Jeŭraparłamienta Ježy Buzek, vydaŭcy časopisa «Nowa Europa Wschodnia» Andžej Bžaziecki i Małhažata Nocuń, Vojciech Duda, redaktar časopisa «Przegląd Polityczny».

Tym bolš niečakanym vyhladaje toje, što uznaharoda imia Hiedrojcia budzie ŭručanaja mienavita Ahniešcy Ramašeŭskaj-Huzy.

Da isnavańnia «Biełsata», jaki finansujecca Ministerstvam zamiežnych spraŭ Polščy, biełaruskija ŭłady staviacca nieprychilna i prestyžnaja uznaharoda dla Ahnieški Ramašeŭskaj u niejkim sensie supiarečyć novaj polskaj uschodniaj palitycy, pabudavanaj na prahmatyźmie.

Mahčyma, vybar na karyść spadaryni Rymašeŭskaj paŭpłyvała kansiervatyŭny charaktar «Žečypaspolitaj». Vydańnie adlustroŭvaje chutčej pazicyi apanientaŭ Branisłava Kamaroŭskaha i Donalda Tuska.

Kamientary da artykuła