Baranavičy. Siarhiej Hoŭša dapytany ŭ KDB
Baranavicki pravaabaronca Siarhiej Hoŭša 3 lutaha dapytany ŭ KDB u jakaści śviedki pa kryminalnaj spravie ab masavych biesparadkach.
«Dopyt praciahvaŭsia bolš za dźvie hadziny, i ź mianie ŭziali padpisku ab nievydavańni. Mahu skazać tolki, što ździŭleny vyklikam u KDB, — zajaviŭ Hoŭša. — 19 śniežnia ja znachodziŭsia ŭ Baranavičach, pakolki byŭ naziralnikam u Baranavickaj haradskoj terytaryjalnaj vybarčaj kamisii. Dumaju, što adpaviednyja struktury pra heta viedali, ale, napeŭna, jość kamanda praviarać aktyvistaŭ demsił».
3 lutaha supracoŭniki haradździeła KDB dapytali Mikałaja Čarnavusa, jaki byŭ davieranaj asobaj kandydata ŭ prezidenty Ryhora Kastusiova, a taksama Viktara Ciapina — člena inicyjatyŭnaj hrupy pa zbory podpisaŭ za vyłučeńnie kandydatam u prezidenty Uładzimira Niaklajeva. Dva supracoŭniki KDB pryjšli da Ciapina na pracu i dapytvali jaho ŭ vydzielenym dla hetaha kabiniecie.