Pieršyja sudy za Płošču: u čaćvier buduć sudzić Vasila Parfiankova

Paćvierdziłasia infarmacyja ab tym, što 17 lutaha pačynajucca pieršyja sudy pa spravie ab masavych biesparadkach.

Fota Julii Daraškievič.

Paćvierdziłasia infarmacyja ab tym, što 17 lutaha (čaćvier) pačynajucca pieršyja sudy pa spravie ab masavych biesparadkach. Dakładna viadoma, što, a 10-j hadzinie ŭ hety dzień u sudzie Frunzienskaha rajona Minska buduć sudzić Vasila Parfiankova.

Adras Frunzienskaha suda: Minsk, vuł. Dunina-Marcinkieviča, (st.mietro Spartyŭnaja).

Što viadoma pra Vasila Parfiankova? Padčas vybaraŭ-2010 jon supracoŭničaŭ z kampanijaj «Havary praŭdu!», byŭ aktyvistam štaba Uładzimira Niaklajeva. Zatrymany 4 studzienia ŭ jakaści padazravanaha pa kryminalnaj spravie ab masavych biesparadkach. Znachodzicca pad vartaj u SIZA pa vuł. Vaładarskaha.

Imia Vasila Parfiankova zhadvajecca ŭ «vykryvalnych» artykułach u prezidenckaj haziecie «Sovietskaja Biełoruśsija» pad zahałoŭkam «Za kulisami odnoho zahovora».

Prynamsi, havorycca, što z 2001 pa 2005 hady Vasil byŭ siabram «Zubra» dy «Maładoha fronta», a potym byŭ na ŭkrainskim Majdanie. «Saŭbiełka» z padačy śpiecsłužbaŭ namiakaje, što Parfiankoŭ — ledź nie bajavik: «Udzielničaŭ u zachopie štaba V.Janukoviča sumiesna ź siabrami UNA UNSO, ź jakimi padtrymlivaje tavaryskija adnosiny». Dla tych, chto nie pamiataje padziejaŭ 1996 hoda, naŭprost śćviardžajecca, što Vasil byccam by «niepasredna ŭdzielničaŭ u pahromach, ažyćciaŭlaŭ šturm administratyŭnaha budynka — Doma Uradu, raźbivaŭ škło, dźviery, nanosiŭ udary supracoŭnikam pravaachoŭnych orhanaŭ z vykarystańniem pobytavych pradmietaŭ, zaklikaŭ natoŭp da aktyŭnych dziejańniaŭ».

Kamientary da artykuła