Raul Kastra prapanuje skaracić termin znachodžańnia va ŭładzie da 10 hadoŭ

Staršynia dziaržsavieta Kuby Raul Kastra prapanuje abmiežavać znachodžańnie na najvyšejšych palityčnych pasadach krainy dvuma terminami pa piać hadoŭ,

paviedamlaje Bi-Bi-Si.

Pra heta Kastra zajaviŭ u svajoj pramovie na adkryćci pieršaha za apošnija 14 hadoŭ źjezdu kampartyi krainy.

Jon zajaviŭ, što partyjnaje kiraŭnictva maje patrebu ŭ abnaŭleńni i pavinna być zdolnym na surjoznuju samakrytyku.

79-hadovy Raul Kastra źmianiŭ svajho brata Fidela na najvyšejšaj palityčnaj pasadzie Kuby ŭ 2008 hodzie. Usiaho braty znachodziacca va ŭładzie na praciahu 52 hadoŭ.

Vykazanaja Raulem prapanova ab abmiežavańni terminaŭ kiraŭnictva nie maje precedentaŭ u kamunistyčnaj «historyi vostrava svabody».

Asnoŭnaja ŭvaha ŭ svajoj pramovie na adkryćci źjezdu jon zasiarodziŭ na płanach źnizić rolu dziaržavy ŭ ekanomicy i na zaachvočvańni pryvatnych pradpryjemstvaŭ.

Pavodle jaho słovaŭ, Kubie spatrebicca pa mienšaj miery piać hadoŭ, kab abnavić isnujučuju ekanamičnuju sistemu.

Raul Kastra paabiacaŭ zachavać biaspłatnuju adukacyju i achovu zdaroŭja, adnak zajaviŭ, što dziaržaŭnyja vydatki buduć «racyjanalizavanyja», a subsidavańnie tavaraŭ pieršaj nieabchodnaści budzie spyniena.

Miž tym kiraŭnik krainy papiaredziŭ, što sacyjalizm na Kubie «nieparušny» i što nazapašvańnie ułasnaści dazvolena nie budzie.

Kamientary da artykuła