Biełaruskija handbalisty prajhrali datčanam u adboračnym matčy čempijanatu Jeŭropy

Paražeńniem ź likam 29:33 (pieršy tajm — 14:13) zaviaršyŭsia dla biełaruskaj zbornaj adboračny matč mužčynskaha čempijanatu Jeŭropy-2012 pa handbole suprać kamandy Danii.

Hulnia prajšła 8 červienia na «Minsk-Arenie» i viančała 32-hadzinny handbolny marafon, jaki pretenduje na rehistracyju ŭ rasijskaj knizie rekordaŭ «Dziva» i Knizie rekordaŭ Hinesa.

Haspadary viali praktyčna ŭvieś pieršy tajm i ŭ pačatku druhoha, ale zatym bolš vopytnyja skandynavy pierachapili inicyjatyvu i daviali matč da pieramohi.

U druhim matčy piataha tura ŭ adboračnaj hrupie 7 Šviejcaryja prajhrała doma Rasii — 29:32.

Stanovišča kamand: Danija — 8 punktaŭ (roźnica miačoŭ 173–147), Rasija — 8 (167–158), Biełaruś — 4 (154–168), Šviejcaryja — 0 (143–164).

Biełaruś straciła šansy na vychad u finalnuju častku turniru.

U zaklučnym matčy kvalifikacyi ČIE-2012 Biełaruś zhulaje na vyjeździe z Rasijaj.

Kamientary da artykuła