Martynaŭ naviedaje z aficyjnym vizitam Armieniju

Ministr zamiežnych spraŭ Biełarusi Siarhiej Martynaŭ 16–17 krasavika naviedaje z aficyjnym vizitam Armieniju. Pra heta paviedamiŭ pres-sakratar MZS Andrej Savinych 12 krasavika na bryfinhu ŭ Minsku.

U Jerevanie adbuducca pieramovy kiraŭnika biełaruskaha źniešniepalityčnaha viedamstva z prezidentam, prem'jer-ministram i ministram zamiežnych spraŭ Armienii. Baki abmiarkujuć šyrokaje koła pytańniaŭ dvuchbakovaha supracoŭnictva, u tym liku ŭ palityčnaj, handlova-ekanamičnaj, humanitarnaj i inšych śfierach, paviedamiŭ Savinych.

Asablivaja ŭvaha, padkreśliŭ pres-sakratar, budzie nadadziena pytańniam umacavańnia supracoŭnictva na mižnarodnaj arenie, u tym liku ŭ miežach AAN, ABSIE i ADKB.

Baki taksama abmiarkujuć pytańni intensifikacyi mižparłamienckaha supracoŭnictva. Jak zajaviŭ Savinych, Biełaruś raźličvaje na raźvićcio adnosinaŭ z Armienijaj u halinie navuki i adukacyi, u tym liku šlacham naładžvańnia kantaktaŭ pamiž MZS.

Akramia taho, biełaruski bok zacikaŭleny ŭ pastaŭkach u Armieniju darožnaj, hruzavoj i sielskahaspadarčaj techniki, a taksama ŭ stvareńni na terytoryi hetaj krainy zboračnych vytvorčaściaŭ aŭtatraktarnaj i sielskahaspadarčaj techniki.

Padčas vizitu Martynaŭ abmiarkuje z armianskim bokam pierśpiektyvy inviestycyjnaha supracoŭnictva, paviedamiŭ pres-sakratar MZS.

Kamientary da artykuła