Pasoł Vialikabrytanii Rozmary Tomas viarnułasia ŭ Biełaruś
Jak paviedamili ŭ pres-słužbie brytanskaha pasolstva, Tomas prybyła ŭ Minsk 29 krasavika i siońnia pačała vykonvać svaje abaviazki.
Nahadajem, jeŭrapiejskija pasły pačali viartacca ŭ Minsk 25 krasavika paśla taho, jak dva tydni tamu ź miescaŭ źniavoleńnia byli vyzvaleny dva palitźniavolenyja — eks-kandydat u prezidenty Andrej Sańnikaŭ i jaho davieranaja asoba Źmicier Bandarenka. U stalicu ŭžo prybyli kiraŭniki pradstaŭnictva ES Majra Mora, pasły Polščy, Šviecyi, Francyi, Hiermanii, Vienhryi, Litvy, Čechii.
27 krasavika ŭ Minsk prybyŭ časovy pavierany ŭ spravach Bałharyi ŭ Biełarusi Ivajła Ivanaŭ, jaki viarnuŭsia zamiest pasła Zacharyja Radukava. Pryčynu ab pryznačeńni ŭ Biełaruś časovaha pavieranaha MZS Bałharyi nie tłumačyć.