«Razhramiŭ carkvu praz varožaje staŭleńnie da chryścijanstva»

U Mazyry zatrymali recydyvista, jaki apahaniŭ dźvie carkvy. Siem hadoŭ tamu jon padpaliŭ chram.

Pravaachoŭnyja orhany zatrymali padazravanaha ŭ apahańvańni dvuch pravasłaŭnych chramaŭ u Mazyry, paviedamiŭ aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.

Zatrymany 22-hadovy miascovy žychar, jaki adbyvaŭ pakarańnie za anałahičnyja złačynstvy. U dačynieńni da jaho raspačatyja dźvie kryminalnyja spravy za naŭmysnaje paškodžańnie majomaści i za apahańvańnie zbudavańniaŭ.

U 2007 hodzie padazravany ŭžo byŭ asudžany na 7 hadoŭ pazbaŭleńnia voli za padpał pravasłaŭnaha chrama ŭ Mazyry, u traŭni 2012 vyzvaliŭsia ź miescaŭ pazbaŭleńnia voli.

• * * *

25 červienia ŭ Mazyry byli apahanienyja 2 pravasłaŭnyja chramy. U carkvie Śviatoha Sierhija Radanieskaha złamyśniki zładzili sapraŭdny pahrom.

Na niekatorych ikonach jany nadrapali vostrym pradmietam sataninskija nadpisy, pientahramy, raskidali i pahnuli kryžy, parvali Jevanhielle.

Śviata-Michajłaŭski kafiedralny sabor Mazyra ad ruk vandałaŭ paciarpieŭ mienš: na ścienach chrama złamyśnik nadrapaŭ cyničnyja nadpisy, pientahramu i lik 666.

Heta nie pieršy vypadak, kali ŭ Mazyry apahańvajuć chryścijanskija chramy. Niekalki hadoŭ tamu čaćviora satanistaŭ (u tym liku adna dziaŭčyna) byli asudžanyja na 7 i 7,5 hadoŭ pazbaŭleńnia voli za padpały chramaŭ.

Kamientary da artykuła