Kryminalnaj spravy pa fakcie skalečvańnia bakłanaŭ nie budzie
Takoje rašeńnie pryniała prakuratura Čašnickaha rajona.
Takoje rašeńnie pryniała prakuratura Čašnickaha rajona paśla vyvučeńnia materyjałaŭ, atrymanych ad milicyi.
Adnak «byli zaŭvažanyja pryznaki administracyjnaha pravaparušeńnia» — artykuł 15.45 KoAP — žorstkaje abychodžańnie z žyviołami. U vyniku, RAUS pieradaŭ materyjały ŭ Łukomlski sielsaviet dla składańnia pratakołu ab administracyjnym pravaparušeńni ŭ adnosinach žychara Čašnickaha rajona, paviedamlaje BIEŁTA.
Nahadajem, 16 červienia na adnym z azioraŭ Čašnickaha rajona dziasiatkam ptušaniataŭ bakłanaŭ adrezali vierchniuju častku dziuby. Ptušaniat daviałosia ŭsypić, pakolki šancaŭ vyžyć z takoj traŭmaj u ich nie było. Milicyja znajšła złamyśnika.
Asoba, jakaja prachodzić pa spravie, skalečyła ptušak dziela hrošaj. Jak viadoma, bakłany źjadajuć šmat ryby, a rybhasy ŭvodziać uznaharodžańni za zdabyču hetych ptušak: ad 25 da 50 tysiač za adnu ptušku. Paćviardžeńniem zdabyčy ličycca zdadzienaja dziuba abo łapki.