Kiebiča, Linha i Bahdankieviča paviazuć u kałhasy
Hrupa byłych kiraŭnikoŭ Biełarusi pajedzie pa kałhasach Minskaj vobłaści.
Hrupa byłych kiraŭnikoŭ Biełarusi, siarod jakich byłyja kiraŭniki ŭradu Viačasłaŭ Kiebič i Siarhiej Linh, a taksama kolišni staršynia praŭleńnia Nacbanka Stanisłaŭ Bahdankievič, 10 žniŭnia pajeduć pa haspadarkach Minskaj vobłaści.
«Siońnia mnie patelefanavali z urada i prapanavali praz tydzień naviedać sielhaspradpryjemstvy Minskaj vobłaści. Maŭlaŭ, heta inicyjatyva Michaiła Rusaha (namieśnik premjer-ministra). Ja daŭ pryncypovuju zhodu. Čamu nie? Treba źjeździć pahladzieć, što heta — pracoŭnaja albo prapahandysckaja pajezdka», — paviedamiŭ Bahdankievič.