«Chto ahient KHB — chto nie ahient KHB?.. Ci ŭsie — ahienty KHB?..« — adna ź ledźvie ŭžo nie «viečnych» tem našaha chutkapłynnaha žyćcia…
Adnosiny da sieksotaŭ, da ahientaŭ śpiecsłužbaŭ zaŭsiody byli ŭ hramadstvie pahardlivymi, niepryjaznymi. Nastolki niepryjaznymi, što adnojčy
Sudzili rabočych, jakija zabili fabrykanta. Prakuror davioŭ sudu ich biassprečnuju vinu. Prysiažnyja ŭžo hatovyja byli vynieści vierdykt: «Vinavatyja!» Ale śviedčyŭ suprać rabočych na sudzie tajny ahient carskaj «achranki». Zrazumieła, jon nie pryznavaŭsia ŭ tym, kim jon jość, i advakat spytaŭ: «Skažycie, śviedka, čym vy zajmajeciesia?»
Dalej stenahrama suda, jakuju, miž inšym (padrablajučy ŭ kamisii Čas
ovaha ŭradu) redahavaŭ Alaksandr Błok.
«Śviedka maŭčyć. Prakuror z abureńniem machaje rukami.
STARŠYNIA SUDA źviartajecca da śviedki.
⎯ Śviedka, vy možacie na hetaje pytańnie nie adkazvać.
ŚVIEDKA. Dazvolcie mnie na hetaje pytańnie nie adkazvać.
MURAŬJOŬ. U mianie jość jašče pytańnie da śviedki. Skažycie, śviedka, čamu vy nie chočacie adkazvać na pieršaje pytańnie? Moža być, vam soramna praz toje, čym vy zajmajeciesia?
Ruch. Šum u zale. Staršynia zvonić u zvanočak, siardzita kidaje śviedku:
⎯ Možacie na hetaje pytańnie nie adkazvać!
ŚVIEDKA. Dazvolcie mnie na hetaje pytańnie nie adkazvać.
MURAŬJEŬ. Bolej u mianie pytańniaŭ niama».
Prysiažnyja apraŭdali padsudnych ADNAHAŁOSNA.
Niekali ⎯ rana ci pozna ⎯ na sudzie nad łukašyzmam daviadziecca adkazvać na niazručnyja pytańni i siońniašnim «śviedkam».
Kamientary