Paśla likvidacyi avaryi cysternu da viečara achałodžvali vadoj z pažarnaha ciahnika.
6 žniŭnia a 10.50 na stancyi Niežyn Čarnihaŭskaj vobłaści Ŭkrainy paśla rasfarmavańnia ciahnika, što kiravaŭsia z Navapołacku da stancyi Basy ŭ Sumskaj vobłaści, z čyhunačnaj cysterny praź vierchni zaścierahalny klapan vyciekła 20 litraŭ siernaj kisłaty, što pryviało da zabrudžvańnia hruntu na terytoryi čyhunačnaj stancyi.
Cysternu adahnali na zapasnuju kalainu za miežami stancyi i a 13‑j hadźnie spynili vyciakańnie kisłaty. Uvieś dzień, da 18‑j viečara, cysternu achałodžvali pažarnym ciahnikom, a paśla, kali śpioka spała, adpravili dalej da miesca pryznačeńnia.
Zabrudžany hrunt sabrali, kab źniščyć. Miascovyja žychary, pracaŭniki čyhunki j likvidatary zdareńnia nie paciarpieli. Nie byli taksama paškodžanyja ni kantaktnaja sietka, ni čyhunačnyja kalainy.
Kamientary