Jak paviedamlaje krynica va ŭniviersitecie, učora Rada Hrodzienskaha dziaržaŭnaha ŭniviersiteta nie abrała doktara histaryčnych navuk Viačasłava Švieda na pasadu prafiesara pa konkursie.
Raniej historyk daviedaŭsia, što paśla 26 sakavika — pa zakančeńni kantraktu — jon taksama nie budzie kiravać kafiedraj biełaruskaj kultury i rehijanalnaha turyzmu.
Zahad ab vyzvaleńni z pasady zahadčyka kafiedry padpisaŭ jašče Jaŭhien Roŭba — były rektar HrDU.
Kab ź im zaklučyli novy kantrakt na pasadu prafiesara, Viačasłaŭ Švied musiŭ prachodzić ahulny konkurs. Ciapier, kali navukoviec straciŭ abiedźvie pasady, jon, faktyčna, vykinuty z univiersiteta.
Jašče hod tamu prafiesara Švieda ŭznaharodzili miedalom «Za zasłuhi pierad Hrodzienskim dziaržaŭnym univiersitetam imia Janki Kupały». Ale ŭ chutkim časie vyjšła apalnaje «Hrodnaznaŭstva», jakoje kaštavała historyku spačatku pałovy staŭki, a ciapier, mahčyma, i pracy naohuł, piša Tvoj styl.
* * *
Nahadajem, što ŭvosień byŭ zvolnieny vykładčyk Andrej Čarniakievič, a ŭ niadzielu, 31 sakavika, z adkrytym listom da kiraŭnika Hrodzienskaj vobłaści Siamiona Šapiry vystupiŭ vykładčyk prava Ihar Kuźminič, jaki zajaviŭ, što zvalniajecca ŭ znak pratestu suprać cisku na vykładčykaŭ navučalnaj ustanovy.
Hladzi taksama: Prafiesar Švied: U Hrodnie mianie navat dvornikam nie voźmuć
Kamientary