Nacbank Biełarusi bačyć mahčymaść dla źnižeńnia staŭki refinansavańnia ŭ bližejšy čas.Ab hetym paviedamiła siońnia žurnalistam u parłamiencie staršynia praŭleńnia Nacbanka Nadzieja Jermakova.
Kamientujučy vykazvańnie kiraŭnika misii Mižnarodnaha valutnaha fondu ŭ Biełarusi Devida Chofmana, zhodna ź jakim apošniaje źnižeńnie staŭki refinansavańnia ŭ Biełarusi ŭ sakaviku z 30 pracentaŭ da 28,5% hadavych było dačasnym i Nacbanku treba zadumacca ab mahčymym pavyšeńni pracentnych stavak,
Nadzieja Jermakova adznačyła: «Treba da ŭsich prysłuchoŭvacca, ale mieć svaju hałavu i prymać tyja rašeńni, jakija na karyść nam».
«Ja dumaju, što ŭ staŭki jość pierśpiektyva na źnižeńnie, uličvajučy inflacyju, jakaja skłałasia za 20 dzion sakavika ŭ krainie», — skazała kiraŭnik Nacbanka. Rašeńnie budzie pryniata paśla taho, jak budzie apublikavana značeńnie inflacyi za sakavik. «Ale, pavodle našych raźlikaŭ, staŭka budzie mieć mahčymaść źnižeńnia», — dadała Nadzieja Jermakova. Pry hetym jana pakul nie zmahła skazać, na kolki moža być źnižana staŭka.
Što datyčycca mahčymaha pavyšeńnia staŭki refinansavańnia, to ŭ hetym miesiacy jaho dakładna nie budzie.U dalejšym dynamika budzie zaležać ad isnujučaj situacyi na finansavym rynku i ŭ ekanomicy ŭ cełym, uzroŭniu inflacyi.
Staŭka refinansavańnia była źnižana ŭ Biełarusi 13 sakavika 2013 hoda — z 30% da 28,5% hadavych, da hetaha jana nie źnižałasia ź vieraśnia 2012 hoda.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki1
Kamientary