5 krasavika ŭ Rahačovie abvieščany Dzień dabračynnaj pracy (subotnik), źviazany z budaŭnictvam u rajcentry pravasłaŭnaha chrama. Adpaviednaje rasparadžeńnie vydaŭ v.a. staršyni rajvykankama Siarhiej Jakaŭleŭ. Zaroblenyja hrošy buduć pieraličany na budaŭnictva carkvy Alaksandra Nieŭskaha.
Varta zaŭvažyć, što chram budujecca ŭ Rahačovie z 2009 hoda. Z taho času kiraŭnictva rajvykankama nieadnarazova pisała rasparadžeńni ab praviadzieńni «pravasłaŭnych subotnikaŭ» - Dzion dabračynnaj pracy. Pravodziŭsia taki subotnik i hod tamu – 6 krasavika 2012 hoda.
Pravodziŭsia subotnik i ŭ śniežni 2012 hoda, na im było «zaroblena» kala 100 miljonaŭ rubloŭ. «Na žal, košty na budaŭničyja materyjały ŭvieś čas rastuć, i sabranych hrošaj budzie niedastatkova dla paśpiachovaha praviadzieńnia letniaha budaŭničaha siezonu. Tamu jašče raz źviartajemsia da vas, darahija suajčyńniki, z zaklikam ab dapamozie», - patłumačyŭ u intervju rajonnaj haziecie «Svabodnaje słova» pravasłaŭny śviatar.
Kamientary