Ideja napisać list rasijskamu kiraŭniku Uładzimiru Pucinu źjaviłasia ŭ prezidenta Ukrainy Uładzimira Zialenskaha niadaŭna. I na heta jość svaje pryčyny, raskazała vydańniu «RBK-Ukraina» krynica ŭ kamandzie ŭkrainskaha prezidenta.
«Prezident heta prydumaŭ pierad pačatkam forumu ŭ Pieciarburhu i napiaredadni niekatorych jaho sustreč u Jeŭropie», — skazaŭ surazmoŭca «RBK-Ukraina».
Adnosna ž taho, što Pucin naŭrad ci kanstruktyŭna adreahuje na prapanovu Zialenskaha sieści za stoł pieramoŭ i damovicca pra mir, uličvajučy jaho apošnija zajavy, to ŭ kamandzie prezidenta Ukrainy staviacca da hetaha spakojna.
«Niachaj havoryć. Pucin ubačyć tam adno, rasijanie — inšaje, partniory — treciaje. Važna, što źmiest lista idzie ŭ Rasiju, pierš za ŭsio da tych hrup tam, jakija majuć upłyŭ», — zaŭvažyła krynica «RBK-Ukraina».
Uviečary 4 červienia na sajcie Ofisa prezidenta Ukrainy apublikavali adkryty list Zialenskaha da Pucina. U liście ŭkrainski prezident prapanuje rasijskamu sustrecca ŭ treciaj krainie, kab damovicca pra doŭhaterminovy mir. Pavodle słoŭ Zialenskaha, Ukraina hatovaja na čas hetych pieramoŭ spynić ahoń. Taksama ŭkrainski bok prapanuje abmianiać pałonnych u farmacie «ŭsich na ŭsich», što stała b važkim prałoham da zakančeńnia vajny.
U Kramli zajavili, što ŭžo bačyli list Zialenskaha, ale Pucinu jašče nie pakazvali. U toj ža čas pres-sakratar prezidenta Rasii Dźmitryj Piaskoŭ skazaŭ, što kali Zialenski sapraŭdy zacikaŭleny ŭ sustrečy, to moža pryjechać u Maskvu.
Uładzimir Zialenski źviarnuŭsia da Pucina z adkrytym listom, jaki nahadvaje ŭltymatum
Hiermanija, Francyja i Brytanija raspracoŭvajuć płan dałučeńnia Rasii da pieramovaŭ
Zialenski: Ja hatovy da pramych pieramoŭ z Pucinym, kab zaviaršyć hetuju vajnu
«Jość dobryja vyniki». Zialenski prakamientavaŭ udary pa abjektach u Rasii
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary
A v bunkieri putin nie maje dostupu do intiernietu.