Jak $35 miljonaŭ ad «Hazprama» źmianili staŭleńnie ŭładaŭ da aŭtavakzała «Maskoŭski»
Za try hady «klučavoje źviano ŭ transpartnaj sistemie horada» straciła svajo funkcyjanalnaje pryznačeńnie.
Jašče ŭ 2010 hodzie ŭ fotaalbomie BIEŁTA «Biełaruś stvaralnaja» «Maskoŭski» nazyvali adnym z najbujniejšych aŭtavakzałaŭ Jeŭropy i najpryhažejšym architekturnym ansamblem Minska. «Siońnia aŭtavakzał «Maskoŭski» — klučavoje źviano ŭ transpartnaj sistemie horada». Pavodle aŭtaraŭ fotaalboma, svaim źjaŭleńniem aŭtavakzał faktyčna abaviazany Alaksandru Łukašenku. «Budaŭnictva novaha aŭtobusnaha terminała pačałosia ŭ 1989 hodzie. Nieŭzabavie niedachop srodkaŭ sparadziŭ daŭhabud. Adnak Prezident Biełarusi Alaksandr Łukašenka daŭ asabistaje rasparadžeńnie staličnym uładam zaviaršyć budaŭnictva».
Siońnia BIEŁTA piša ŭžo, što aŭtavakzał «Maskoŭski», jaki budavaŭsia jak mižharodny vakzał, u ciapierašni čas straciŭ svajo funkcyjanalnaje pryznačeńnie. «Adsiul adpraŭlajecca tolki 20% mižharodnich i mižnarodnych rejsaŭ, u asnoŭnym heta adpraŭnaja kropka pryharadnych aŭtobusaŭ. Źmianiłasia maršrutnaja sietka horada, transpartnyja patoki, što pryviało da padzieńnia prodažaŭ kvitkoŭ, a vydatki na ŭtrymańnie abjekta vysokija».
4 krasavika los aŭtavakzała kančatkova vyrašyŭ Łukašenka, jaki padpisaŭ ukaz № 153 «Ab pytańniach budaŭnictva šmatfunkcyjanalnaha kompleksu ŭ h. Minsku». Dakumientam praduhledžvajecca realizacyja ŭ 2013–2018 hadach AAT «Biełtranshaz» inviestycyjnaha prajekta pa budaŭnictvu šmatfunkcyjanalnaha kompleksu ŭ Minsku ŭ miežach vuł. Filimonava — pr. Niezaležnaści — vuł. Makajonka. Cana pytańnia — $35 miljonaŭ.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny32
Kamientary