Kvatery, pabudavanyja ź ilhotnym kredytam, zabaroniać zdavać na praciahu piaci hadoŭ
Jak taho i patrabavaŭ Łukašenka.
Padrychtavanyja źmianieńni va ŭkaz № 13 ad 6 studzienia 2012 hoda «Ab niekatorych pytańniach pradastaŭleńnia hramadzianam dziaržaŭnaj padtrymki pry budaŭnictvie (rekanstrukcyi) abo nabyćci žyłych pamiaškańniaŭ».Pa słovach načalnika ŭpraŭleńnia žyllovaj palityki Minbudarchitektury Alaksandr Horval, vyrašana, što lhotny kredyt na budaŭnictva žylla možna budzie ŭziać tolki adnojčy. Adzinaje vyklučeńnie — kali naradzilisia dzieci i znoŭ paŭstała patreba ŭ palapšeńni žyllovych umoŭ.
Narešcie, čynoŭniki vyrašyli vykanać patrabavańnie Alaksandra Łukašenki. Toj patrabavaŭ zabaranić zdavać kvatery, pabudavanyja z dapamohaj lhotnych kredytaŭ.
«Budzie zabaroniena zdača ŭ arendu žylla, pabudavanaha ź dziaržpadtrymkaj, na praciahu piaci hadoŭ paśla zaviaršeńnia vypłaty kredytu, jaki vydavaŭsia na budaŭnictva takich žyłych pamiaškańniaŭ»,adznačyŭ Alaksandr Horval.
Farmuloŭka vyhladaje niapeŭnaj: kredyt vydajecca na 20 hadoŭ.
Kali ŭsprymać słovy čynoŭnika litaralna, atrymlivajecca, što ludzi, jakija atrymali letaś kvateru, nie zmohuć jak zdavać u 2032-2037 hadach.Aproč taho, nieviadomaja, jakaja adkaznaść budzie praduhledžanaja za parušeńnie ŭstalavanaha praviła.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary