Kiraŭnik MZS Litvy: Ź Biełaruśsiu treba być ciarplivymi, choć inšym razam i apuskajucca ruki
Litvie varta być ciarplivaj u dasiahnieńni taho, kab Biełaruś vybrała jeŭrapiejski šlach raźvićcia, chacia inšy raz i «apuskajucca ruki». Pra heta zajaviŭ kiraŭnik MZS Litvy Linas Linkiavičus 2 maja na źjeździe litoŭskich pasłoŭ u Vilniusie, paviedamlaje BNS.
«Varta ŭzhadać, viadoma ž, Biełaruś, — skazaŭ Linkiavičus, kažučy pra źniešniepalityčnyja pryjarytety Litvy. — Tut, jak zaŭsiody, jość pra što pahavaryć. My taksama vierym, što Biełaruś vybiera jeŭrapiejski šlach. Heta viera...inšym razam apuskajucca ruki, inšym razam znoŭ źjaŭlajecca niejki šanc. Ale naša zadača — ciarpieńnie, paśladoŭnaść».
Pry hetym kiraŭnik MZS padkreśliŭ, što takija kroki nie pavinny rabicca za košt demakratyčnych kaštoŭnaściaŭ.
«Inšym raz žurnalisty pytajucca ŭ nas: dla vas bolš važnyja pravy čałavieka ci hruzy ŭ Kłajpiedzie? Usio važna, i ŭsio mahčyma: i hruzy ŭ Kłajpiedzie, jakija jość i buduć, ja spadziajusia, tamu što heta prahmatyčny intares. Ale i vielmi važna, kab palitźniavolenyja byli na voli, kab jany nie pakutavali z-za taho, što ŭ ich niejkija inšyja pierakanańni, čym va ŭłady», — zaznačyŭ kiraŭnik źniešniepalityčnaha viedamstva.
Nahadajem, da pryznačeńnia ministram zamiežnych spraŭ Linkiavičus čatyry miesiacy ŭznačalvaŭ pasolstva Litvy ŭ Biełarusi.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary