Łukašenka: Poŭnaja raschlabanaść i razboŭtanaść, karumpavanaść. Bieź milicyi hetyja płasty my nie padymiem
Alaksandr Łukašenka daručyŭ MUS u składzie mižviedamasnaj kamisii praanalizavać situacyju ŭ pramysłovaści i budaŭnictvie. Ab hetym jon zajaviŭ siońnia, prymajučy z dakładam ministra ŭnutranych spraŭ Ihara Šunieviča.
U centry ŭvahi byli pytańni refarmavańnia i aptymizacyi ŭ sistemie MUS. Łukašenka taksama daručyŭ pravaachoŭnym orhanam sumiesna z Administracyjaj prezidenta i Kamitetam dziaržkantrolu praanalizavać situacyju ŭ šerahu halin, takich jak pramysłovaść, sielskaja i kamunalnaja haspadarka, budaŭnictva.
«Treba padniać na pavierchniu ceły płast prablem, jakija tam isnujuć. U hetym vypadku pačniem z budaŭničaj haliny, bo my niadaŭna niekatoryja pytańni abmiarkoŭvali, — skazaŭ Łukašenka.
— Toj ŭzrovień budaŭnictva, jaki isnuje ŭ našaj krainie, absalutna niedapuščalny. Poŭnaja raschlabanaść i razboŭtanaść, karumpavanaść.Ja ŭžo nie adzin raz heta kazaŭ.
Tamu treba ŭvieś płast prablem padniać na pavierchniu, pryvieści ŭ pačućcio budaŭničuju halinu, asabliva čynoŭnikaŭ, jakija tam zaniatyja, i pryniać adpaviednyja miery. I prykładna ŭ vieraśni my vyjdziem na fundamientalnuju naradu na ŭzroŭni prezidenta pa abmierkavańni hetych pytańniaŭ».
Dalej, pa słovach Łukašenki, nieabchodna vyvučyć situacyju ŭ kamunalnaj, sielskaj haspadarcy i inšych śfierach.
«Bieź milicyi hetyja płasty my nie padymiem.Tamu chaciełasia, kab u kamisii, jakaja budzie stvorana, byli i vašy ludzi, i ŭsia sistema MUS papracavała na toje, kab vyvučyć i pryniać rašeńnie pa hetych napramkach. Patrebien sapraŭdy surjozny analiz situacyi», — padkreśliŭ jon.
Kamientary