Za prajezd pa płatnych darohach možna budzie raźličvacca «paliŭnaj kartaj»
Alaksandr Łukašenka 13 červienia padpisaŭ ukaz № 268, jaki datyčycca dziejnaści dziaržaŭnaj ustanovy «Transpartnaja inśpiekcyja Ministerstva transpartu i kamunikacyj Respubliki Biełaruś».
Jak paviedamiła
U im, u pryvatnaści, praduhledžvajecca ŭstanavić paradak źbirańnia płaty za prajezd transpartu pa płatnych darohach Biełarusi.
Dakumientam dajecca mahčymaść vykarystańnia «paliŭnaj karty», emitavanaj dla apłaty prajezdu pa płatnych darohach krainy ŭ miežach funkcyjanavańnia sistemy elektronnaha zboru płaty.
«Paliŭnaja karta» — heta elektronnaja pryłada, što vykarystoŭvajecca dla apłaty prajezdu transpartu pa płatnych darohach u miežach dziejańnia sistemy elektronnaha zboru takoj płaty. Pa sutnaści heta anałah bankaŭskaj kartki, jakaja vykarystoŭvajecca pieravozčykami bolšaści krain, u tym liku Biełarusi, dla apłaty pasłuh za miažoj (płata za paliva, prajezd i kupla spadarožnych tavaraŭ na AZS).
Dajecca taksama mahčymaść uniasieńnia ŭłaśnikam (uładalnikam) transpartnaha srodku, jaki nie źjaŭlajecca rezidentam Biełarusi, płaty ŭ biełaruskich rublach, rasijskich rublach, jeŭra ci dołarach ZŠA. Realizacyja kantrolnych funkcyj Transpartnaj inśpiekcyi budzie ažyćciaŭlacca šlacham mabilnaha kantrolu ŭ kruhłasutačnym režymie.
Akramia taho, u suviazi sa źmienaj najmieńnia RUP «Biełaŭtastrada» na DU «Biełaŭtastrada» ŭniesieny adpaviednyja źmianieńni ŭ pravavyja akty, jakija rehulujuć dziejnaść hetaj arhanizacyi.
«Realizacyja pałažeńniaŭ ukaza dazvolić zaviaršyć farmiravańnie narmatyŭnaj pravavoj bazy, nieabchodnaj dla efiektyŭnaha funkcyjanavańnia sistemy elektronnaha zboru płaty za prajezd transpartu pa darohach krainy», — havorycca ŭ paviedamleńni
Kamientary