Kryminalnaja sprava raspačataja ŭ adnosinach adrazu čatyroch užo byłych milicyjantaŭ.
Jak paviedamlaje «Ježiednievnik» sa spasyłkaj na Upraŭleńnie Śledčaha kamiteta pa Minsku, materyjały pa hetaj spravie sabrali Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj dy Hałoŭnaje ŭpraŭleńnie ŭłasnaj biaśpieki.
Z čatyroch AMAPaŭcaŭ dvoje słužyli ŭ zvańni staršych siaržantaŭ, jašče dvoje — siaržantaŭ. Usie jany ličylisia adnymi ź lepšych supracoŭnikaŭ padraździaleńnia, nieadnarazova zaachvočvalisia kiraŭnictvam.
U spravie fihurujuć dva epizody z kradziažom u minčukoŭ 3,8 i 1,5 młn rubloŭ. Adnak nie vyklučana, što nasamreč paciarpiełych moža być bolš. Śledčyja vyśviatlajuć, jak daŭno milicyjanty zajmalisia hetym.
Darečy, pravierka pa padazreńni ŭ tym, što AMAPaŭcy «čyściać» kišeni minčukoŭ, pačałasia jašče ŭ traŭni 2013 hoda.
Adnak spravu raspačali tolki ciapier. Za hety čas čatyroch bajcoŭ zvolnili, ale nie za kryminał, a «pa pahadnieńni bakoŭ».
Troje ŭžo byłych AMAPaŭcaŭ zatrymanyja, adnamu ŭdałosia ŭciačy
Kamientary