Ukraina moža całkam admovicca ad rasijskaha hazu

Minenierhavuhalu razhladaje varyjanty hazazabieśpiačeńnia ŭ vypadku rostu koštaŭ abo eskałacyi vajennaha kanfliktu.

Pra heta piša «Kommiersant-Ukraina».

Jak adznačajecca, Ukraina abiacaje ŭ bližejšy čas pahasić pazyki pierad «Hazpromam».

Niadaŭna ŭ Minenierha RF paviedamili pra hatoŭnaść pavysić košt paliva ŭ suviazi z abaviazkam Ukrainy na 2 młrd dalaraŭ. Miž tym va ŭkrainskim Ministerstvie enierhietyki i vuhalnaj pramysłovaści paabiacali pahasić zapazyčanaść u bližejšyja miesiacy.

Akramia taho, u viedamstvie razhladajuć mahčymaść naohuł admovicca ad rasiejskaha hazu ŭ vypadku rostu koštaŭ abo eskałacyi vajennaha kanfliktu.

Ciapier «Naftahaz» viadzie pieramovy z «Hazpramam» ab zachavańni ciapierašniaj cany na rasijski haz.

Adnačasova na ŭzroŭni ministraŭ kansultacyj niama z-za niežadańnia rasijskaha boku ich pravodzić, paviedamiŭ kiraŭnik Minenierhavuhalu Juryj Prodan.

Jak adznačyła krynica ŭ Minenierhavuhalu, na siońnia prymajucca ekstrannyja miery pa pošuku hrošaj dla pahašeńnia pazyk pierad Rasijaj.

«My ličym, što hrošy buduć znojdzienyja ŭ bližejšy čas. Vyrašyŭšy pytańnie z abaviazkam, my całkam možam patrabavać praciahu hazavaj źnižki», — zajaviła krynica.

Pavodle jaho słoŭ, Ukraina zaraz razhladaje i inšyja varyjanty pastavak hazu ŭ vypadku rostu koštaŭ na paliva abo abvastreńnie vajennaha kanfliktu z Rasiejaj.

«U nas jość mahčymaść impartavać 6 młn kubamietraŭ hazu ź Vienhryi i Polščy i techničnyja mahčymaści impartu hazu sa Słavakii», — skazaŭ pradstaŭnik Minenierhavuhalu.

Jon taksama paviedamiŭ, što kali prapampoŭka rasijskaha paliva ŭ krainy ES budzie praciahvacca ŭ raniejšych abjomach, to Ukraina zmoža atrymlivać sa Słavakii 10 młrd kubamietraŭ hazu na hod. Kali ž jano skarocicca abo spynicca, ź Jeŭropy možna budzie atrymlivać da 30 młrd kubamietraŭ hazu na hod.

«Tearetyčna, atrymlivajučy haz sa Słavakii, my naohuł možam zakryć usie ŭnutranyja patreby ŭ palivie», — skazaŭ surazmoŭca vydańniu.

Adznačym, što košt hazu na spotavym rynku ŭ Jeŭropie ŭ II kvartale čakajecca na ŭzroŭni 360-370 dalaraŭ za tysiaču kuboŭ, što tańniej, čym prapanoŭvaje «Hazpram».

Praŭda, pahadnieńnie ab imparcie hazu sa Słavakii pakul nie padpisana słavackim bokam.

Akramia taho, Rasija naŭrad ci spynić pastaŭki hazu ŭ Jeŭropu, bo ekanamična niavyhadna «Hazpromu», kaža dyrektar enierhietyčnych prahram centra «Nomos» Michaił Hančar.

«Bo pa kantraktach z pakupnikami ŭ krainach Jeŭrasajuza płacić niaŭstojku pavinna mienavita rasijskaja kampanija, a nie ŭkrainski bok. Što razam z 15-pracentnym padzieńniem prodažaŭ, jakoje i tak čakajecca na jeŭrapiejskim rynku pa vynikach hetaha hoda, mocna pahoršyć finansavyja vyniki «Hazproma», — zajaviŭ Hančar.

Nahadajem, što ŭ sakaviku košt rasijskaha hazu dla Ukrainy pavinien być taki ž, jak i ŭ lutym, — 268,5 dalaraŭ za tysiaču kuboŭ, a ŭ II kvartale, kali nie atrymajecca damovicca ab padaŭžeńni źnižki, jon moža viarnucca da ŭzroŭniu ŭ 400 dalaraŭ za tysiaču kubamietraŭ.

Raniej paviedamlałasia, što «Hazprom» moža pazbavić Ukrainu źnižki na haz.

• 0
• 0
• 0
• 0
• 0
• 0
• 0
• 0