Nacyjanalny saviet pa pytańniach telebačańnia i radyjoviaščańnia zaklikaŭ pravajderaŭ prahramnaj pasłuhi časova ŭstrymacca ad retranślacyi ŭ svaich sietkach prahram telekanałaŭ «Viestki», «Rasija 24», ORT i «RTR-Płanieta» da pryviadzieńnia ich prahram u adpaviednaść z patrabavańniami ŭkrainskaha zakanadaŭstva.
«Niahledziačy na zvarot Savieta Nacyjanalnaj Biaśpieki i Abarony Ukrainy ad 6 sakavika 2014 № 242/2-5-1 i rašeńnie SNBA ad 1 sakavika 2014 «Ab nieadkładnych mierach pa zabieśpiačeńni nacyjanalnaj biaśpieki, suvierenitetu i terytaryjalnaj cełasnaści Ukrainy», Nacyjanalny saviet Ukrainy pa pytańniach telebačańnia i radyjoviaščańnia zaklikaje pravajderaŭ prahramnaj pasłuhi časova ŭstrymacca ad retranślacyi ŭ svaich sietkach pieradač telekanałaŭ «Viestki», «Rasija 24», ORT, «RTR Płanieta» da pryviadzieńnia ich prahram u adpaviednaść z patrabavańniami ŭkrainskaha zakanadaŭstva. Dziaržava pavinna stabilizavać situacyju va ŭsich rehijonach i zabiaśpiečyć intaresy ŭsich kołaŭ.
My prosim hledačoŭ usich rehijonaŭ ŭkrainskaj dziaržavy pastavicca z razumieńniem da časovaha kroku, jaki praciahniecca da ŭrehulavańnia situacyi. My spadziajemsia na hramadzianskuju adkaznaść usich udzielnikaŭ ŭkrainskaha miedyja-rynku. My vierym, što sumiesnymi namahańniami hetaha atrymajecca dasiahnuć chutka.
Dla Ukrainy pryncypova važna zastavacca demakratyčnaj dziaržavaj z adkrytaj infarmacyjnaj prastoraj i pluralizmam ŚMI. Pierš za ŭsio važnym źjaŭlajecca zabieśpiačeńnie ŭkrainskaha zakanadaŭstva i suvierenitetu dziaržavy, a ŭ dalejšym my zmožam nie tolki vykanać usie patrabavańni Jeŭrapiejskaj kanviencyi ab transhraničnym telebačańni, ale i ŭrehulavać situacyju z tranślacyjaj rasijskich kanałaŭ na terytoryi Ukrainy».
Kamientary