Juny afieryst vymaniŭ u hrodziencaŭ zvyš Br200 młn, paviedamili va ŭpraŭleńni departamienta finansavych rasśledavańniaŭ KDK pa Hrodzienskaj vobłaści.
Małady čałaviek u druhoj pałovie 2013 hoda prydumaŭ i ažyćciaviŭ svaju schiemu padmanu davierlivych hramadzian. Praz abjavy ŭ ŚMI i Internecie jon adšukvaŭ tych, jakija majuć patrebu ŭ hrošach. Budučaj achviary jon prapanoŭvaŭ «biasprojhryšny» varyjant zarabić hrošy šlacham afarmleńnia chutkich kredytaŭ abo nabyćcia tavaraŭ u rasterminoŭku. Pry hetym abiacaŭ, što, vykarystoŭvajučy svaje suviazi, za peŭnuju płatu zmoža vydalić lubuju infarmacyju z bankaŭ źviestak pa aformlenych kredytach i nabytych tavarach.
Vykarystoŭvajučy hetuju schiemu, za niepraciahły pramiežak času juny haradzieniec zmoh niezakonna zavałodać hrašovymi srodkami i tavarna-materyjalnymi kaštoŭnaściami inšych hramadzian na sumu zvyš Br200 młn.
U dačynieńni da afierysta Hrodzienski mižrajadździeł SK pačaŭ kryminalnuju spravu pa č.3 art.209 KK (machlarstva, ździejśnienaje ŭ bujnym pamiery).
Kamientary