Alaksandr Łukašenka zadavoleny praviedzienymi rabotami pa rekanstrukcyi dziejučaha aeravakzalnaha kompleksu Nacyjanalnaha aeraporta Minsk. Takuju acenku jon daŭ siońnia naviedvajučy aeraport.
«Na pieršy pohlad usio narmalna, usio bliščyć, usio pryhoža — heta dobra. Ale hałoŭnaje, kab byli jakaść i kab heta ŭsio było nadziejna», — skazaŭ kiraŭnik dziaržavy.
Alaksandr Łukašenka aznajomiŭsia z tym, jak viadziecca rekanstrukcyja aeravakzalnaha kompleksu, arhanizacyjaj absłuhoŭvańnia pasažyraŭ. Jon ahledzieŭ zonu prylotu (punkt pamiežnaha propusku, punkt vydačy bahažu, mytnaha kantrolu, zony čakańnia i rehistracyi pasažyraŭ, zonu vyletu, pryvakzalnuju terytoryju). Kiraŭnik dziaržavy taksama aznajomiŭsia z arhanizacyjaj absłuhoŭvańnia VIP-pasažyraŭ. Alaksandr Łukašenka padrabiazna cikaviŭsia ŭmovami pracy. Jaho zapeŭnili, što ŭ aeraporcie nie budzie nijakich prablem z absłuhoŭvańniem jak haściej čempijanatu śvietu pa chakiei, tak i inšych pasažyraŭ.
Akramia taho, kiraŭnik dziaržavy paraŭnaŭ, jak pracujuć pryvatnyja i dziaržaŭnyja kramy biaspošlinnaha handlu, i heta paraŭnańnie akazałasia nie na karyść dziaržaŭnaj kampanii.
Alaksandr Łukašenka taksama nahadaŭ rabotnikam pra sacyjalnuju adkaznaść.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary