U Lvovie admianili śviatkavańnie hadaviny SS «Haliččyna», kab nie davać šancaŭ Maskvie dla prapahandy
Pra heta havorycca ŭ zvarocie za podpisam staršyni bractva Pieršaj Ukrainskaj dyvizii Ukrainskaj nacyjanalnaj armii Jaŭhiena Kucyka i staršyni Lvoŭskaha krajavoha bractva vieteranaŭ AUN —UPA Alesia Humieniuka.
«Nabližajecca 28 krasavika — dzień stvareńnia dyvizii «Haliččyna». My viedajem, što va Ukrainie ŭžo nakiroŭvajucca z Rasii hrupy tak zvanych ruskich nacyjanalistaŭ, zadača jakich zaklučajecca ŭ tym, kab dać maskoŭskim telekanałam adpaviednyja siužety pra «ukrainski fašyzm», — adznačyli jany.
«Udzielničać u režysavanych Maskvoj akcyjach va ŭmovach pucinskaj ahresii — heta akt uśviadomlenaha ci nieŭśviadomlenaha supracoŭnictva z ahresaram, heta akt zdrady!» — navorycca ŭ zvarocie.
U suviazi z hetym aŭtary zvarotu zaklikajuć usich, «chto z pavahaj stavicca da nacyjanalna-vyzvalenčaj baraćby, da pamiaci tych, chto addaŭ svajo žyćcio za Ukrainu i za nas, jašče žyvych vieteranaŭ hetaj baraćby, «ustrymacca ad praviadzieńnia ŭ hetym hodzie lubych masavych mierapryjemstvaŭ, pryśviečanych hetaj padziei.
«Vaša pavaha da nas i da zahinułych u baraćbie bratoŭ budzie vialikaj, kali siońnia my nie damo Maskvie šancu pakazać vyzvalenuju ad bandyckaha režymu Ukrainu terytoryjaj, na jakoj maršyrujuć «Bender — fašysty» z nacysckimi pryvitańniami i simvolikaj», — havorycca ŭ zvarocie.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny26
Kamientary