Ispanski manarch Chuan Karłas, jakija skłaŭ ź siabie karaleŭskija paŭnamoctvy na karyść syna prynca Filipe, patłumačyŭ, čamu vyrašyŭ «dać darohu maładomu pakaleńniu».
76-hadovy karol Ispanii zajaviŭ, što vyrašyŭ pieradać karonu svajmu synu, pakul toj jašče dosyć małady, piša brytanskaja hazieta The Telegraph.
Pa dadzienych vydańnia, manarch paviedamiŭ pra heta rasparadčyku karaleŭskaha dvara Ispanii Rafaelu Spatorna.
«Nie chaču, kab moj syn źviaŭ u čakańni, jak prync Čarlz», — sa słoŭ Spatorna, zajaviŭ karol.
65-hadovy prync Čarlz, da jakoha karona Vialikabrytanii pavinna pierajści paśla Lizaviety II, samy pažyły spadčyńnik brytanskaha prastoła za 300 hadoŭ.
Chuan Karłas zajaviŭ, što adrakajecca ad pasady na karyść syna Filipe, u paniadziełak druhoha červienia. Čakajecca, što zakon ab pieradačy pryncu paŭnamoctvaŭ parłamient Ispanii razhledzić 18 červienia. Užo na nastupny dzień Filipe VI moža ŭzyści na tron.
Chto z manarchaŭ admaŭlaŭsia ad pasady
21 lipienia 2013 hoda karol bielhijcaŭ Albiert II padpisaŭ akt ab adračeńni ad pasady na karyść svajho syna prynca Pilipa. Pryčynaj hetaha rašeńnia manarch nazvaŭ stan svajho zdaroŭja. Paśla adračeńni Albiert II zachavaŭ karaleŭski tytuł, hetak ža jak i jaho žonka.
U krasaviku 2013 hoda karaleva Niderłandaŭ Bieatryks adrakłasia ad pasady na cyrymonii ŭ Amsterdamie. Novym i pieršym z 1890 karalom staŭ jaje starejšy syn kronprync Aranski-Nasaŭ Vilem-Alaksandr.
Kamientary