Dziaržaŭny pamiežny kamitet Biełarusi płanuje ŭvieści elektronnuju čarhu dla pierasiačeńnia biełaruska-litoŭskaj miažy ŭ punkcie propusku «Kamienny Łoh» u 2015 hodzie.
Pra heta paviedamiŭ siońnia, 11 červienia, žurnalist pres-sakratar Dziaržpahrankamiteta Alaksandr Ciščanka, piša BiełTA.
«U hetym hodzie my płanujem uvieści elektronnuju čarhu dla pieravozčykaŭ hruzaŭ u punkcie propusku» Kazłovičy» na miažy z Polščaj. U nastupnym hodzie elektronnaja čarha źjavicca i na «Kamiennym Łohu», — skazaŭ pres-sakratar. Jon taksama paviedamiŭ, što ŭ «Kazłovičach» źjavicca servisnaja zona, dzie kiroŭcy hruzavych mašyn zmohuć pryparkavać transpart, adpačyć.
Akramia taho, pamiežnaje viedamstva płanuje ŭvieści mahčymaść braniravańnia elektronnaj čarhi praź internet. Padčas ČS pa chakiei ŭ balelščykaŭ była mahčymaść papiarednie apaviaščać pamiežnikaŭ pra čas pierasiačeńnia miažy. Hetym skarystaŭsia prykładna kožny 15-y zaŭziatar.
«Ludzi dobra ŭsprymajuć hetyja naviny. I my budziem raźvivać padobnyja servisy, u tym liku z dapamohaj našaha internet-partału», — adznačyŭ pres-sakratar.
Kamientary