Vynachodlivyja mužčyny ŭ Saudaŭskaj Aravii prydumali sposab paźbiehnuć siamiejnych skandałaŭ u dni čempijanatu śvietu pa futbole ŭ Brazilii. Jany raspracavali śpiecyjalnyja praviły pavodzinaŭ dla svaich žonak na čas futbolnych batalij.
Vykanać patrabavańni mužčyn nie tak užo składana, asabliva dziela zachavańnia ładu i spakoju ŭ siamji. Zbor praviłaŭ abviaščaje, što žonka abaviazkova pavinna paviedamić mužu pra svaje płany za dźvie hadziny da pačatku luboha matču čempijanatu. Akramia taho, žonki pavinny płanavać pachody pa kramach i pajezdki ŭ handlovyja centry (asabliva, kali jany zajmajuć niekalki hadzin) tolki na dni, kali futbolnych matčaŭ niama.
«Prafiłaktyka lepš, čym lačeńnie», — patłumačyŭ vynachodnictva adzin z amataraŭ futboła. Svoj śpis praviłaŭ jon razdrukavaŭ na vialikich płakatach i raźviesiŭ pa chacie.
Parušalnic papiaredžvajuć, što žonkam, jakija nie vykonvajuć vyšejpieraličanyja praviły, buduć pradjaŭlenyja čyrvonyja kartki.
Anhlijskija zaŭziatary taksama prydumali aryhinalny sposab baraćby z žonkami, jakija pieraškadžajuć hladzieć futboł. Jany vykarystoŭvajuć pienu dla haleńnia dla abaznačeńnia miescaŭ u domie, dzie žonkam nielha chadzić, kab tyja nie milhali pierad televizaram i nie pieraklučali jaho na inšy kanał.
Piena dla haleńnia stała ŭ brytancaŭ svojeasablivym iraničnym zamieńnikam źnikajučaha spreju, jaki vykarystoŭvajuć sudździ na mundyjali, kab adznačać miesca vykanańnia štrafnoha ŭdaru.
Kamientary