Minharvykankam zarehistravaŭ kursy «Mova Nanova» jak «sacyjalna-kulturnuju ŭstanovu raźvićcia biełaruskaj movy i kultury». Adpaviednaje paśviedčańnie było vydadziena 27 listapada.
Vykładčyk kursaŭ Hleb Łabadzienka kaža, što «my imknulisia da hetaha, bo kursy imkliva raźvivajucca — i dla nas važna dziejničać lehalna». Pavodle jaho słoŭ, za dva miesiacy vydadzienyja bolš za 970 studenckich u haradach, dzie adbyvajucca kursy. Rehistracyja dazvolić ich pravodzić aficyjna. «Raniej heta byli faktyčna «hurtki pa intaresach», jakija ničoha nie parušali i nikomu nie škodzili, ale ž nie mieli nijakaha statusu», — adznačaje Łabadzienka.
Pavodle statuta, «Mova Nanova» maje prava zajmacca «adukacyjaj dla darosłych», «pazaškolnym vychavańniem i navučańniem», zajmacca «dziejnaściu ŭ halinie mastackaj tvorčaści», a taksama pravodzić treninhi, majstar-kłasy i sieminary dla papularyzacyi biełaruskaj movy i kultury. U statucie paznačana, što hałoŭnaj zadačaj «Movy Nanova» źjaŭlajecca «pašyreńnie ŭžyvańnia biełaruskaj movy ŭ štodzionnym žyćci roznymi hrupami nasielnictva».
Biaspłatnyja kursy biełaruskaj movy «Mova Nanova» raspačali svaju dziejnaść u studzieni 2014 hoda ŭ Minsku. Ciapier kursy dziejničajuć u 8 haradach Biełarusi, a ŭ stalicy adkrylisia dadatkovyja kursy dla dziaciej daškolnaha vieku.
Kamientary