Stvaralnik «Zornych vojnaŭ» rychtuje da adkryćcia svoj futurystyčny muziej koštam miljard dalaraŭ FOTY
Maštabny prajekt užo staŭ adnoj z samych niezvyčajnych architekturnych słavutaściaŭ Łos-Andželesa. Pieršych naviedvalnikaŭ čakajuć u vieraśni 2026 hoda, a pakul abmiarkoŭvajuć jaho dyzajn i napaŭnieńnie.
Stvaralnik suśvietu «Zornych vojnaŭ» nieŭzabavie adkryje ŭ Łos-Andželesie Muziej apaviadalnaha mastactva Łukasa (Lucas Museum of Narrative Art), historyja stvareńnia jakoha pačałasia jašče ŭ 2017 hodzie. Napiaredadni adkryćcia ŭ siecivie źjavilisia novyja kadry budynka, jaki ŭžo staŭ adnoj z samych niezvyčajnych architekturnych słavutaściaŭ horada.
Jak paviedamlaje New York Post, u muziei buduć pradstaŭleny tvory mastactva, komiksy, ilustracyi i kinaartefakty z kalekcyi, jakuju Džordž Łukas źbiraŭ dziesiacihodździami. Razam z žonkaj Miełady Chobsan jon inviestavaŭ u prajekt kala 1 miljarda dalaraŭ.
Budynak muzieja, sprajektavany kitajskim architektaram Ma Jańsunam ź biuro MAD architects, vyłučajecca futurystyčnym eksterjeram, jaki nahadvaje kaśmičny karabiel. U asnovie kancepcyi lažać arhaničnyja formy: adsutnaść vostrych kutoŭ i płaŭnyja linii fasada adsyłajuć da pryrodnych abrysaŭ vobłakaŭ i dreŭ.
Fasad składajecca z bolš čym 1500 unikalnych panelaŭ, vyrablenych z palimieru, armavanaha škłovałaknom. Muziejny kompleks zajmaje płošču kala 28 tysiač kvadratnych mietraŭ i raźmieščany na ŭčastku amal 4,5 hiektara, jaki ŭklučaje raźvituju parkavuju zonu.
George Lucas new museum cost $1.5B.
Chicago and SF both turned it down.
So, it'll open at Exposition Park in LA in September 2026.
It is 300,000 square feet and has 11 galleries holding art (Norman Rockwell, Frida Kahlo), valuable comics (Marvel, DC, Peanuts), original film… https://t.co/LF7zdRAvYF pic.twitter.com/pHtv4er9Cm
Unutranaja prastora ŭstanovy abjadnoŭvaje bolš za 30 halerej, ahulnaja płošča jakich pieravyšaje 9 tysiač kvadratnych mietraŭ. Akramia vystavačnych załaŭ, infrastruktura muzieja ŭklučaje niekalki kinateatraŭ, navučalnyja studyi, biblijateku, a taksama punkty hramadskaha charčavańnia.
Fond muzieja naličvaje kala 40 tysiač abjektaŭ, ź jakich dla startavych ekspazicyj adabrana bolš za 1200 pradmietaŭ. Asobnaje miesca ŭ struktury muzieja zojmie vystava «Zornyja vojny ŭ ruchu» («Star Wars in Motion»), pryśviečanaja vizualnaj historyi pieršych šaści filmaŭ sahi «Zornyja vojny».
Siarod ekspanataŭ buduć pradstaŭleny aryhinalnyja kaściumy, dekaracyi i techničnyja madeli, u tym liku łendśpider Luka Skajuokiera i pieršy fizičny pratatyp kołavaha matacykła hienierała Hryvusa. Razam z tym, značnaja častka fondaŭ pryśviečana kłasičnamu mastactvu i ilustracyi: u inaŭhuracyjnych vystavach buduć pradstaŭleny pracy takich majstroŭ, jak Norman Rokueł, Frenk Frazeta i Makśfiłd Peryš.
There are 30+ galleries and over 1,200 works of art in the Lucas Museum of Narrative Art. Here's your first look inside.
The Lucas Museum explores how artists depict the essential myths that help us make sense of the world and bring us together as a community. These exhibitions… pic.twitter.com/MUC4IPcgBL
Ekspazicyi buduć pakazvać, jak źmianialisia sposaby apaviadańnia historyj praź vizualnyja vobrazy — ad staražytnych skulptur i reniesansnaha žyvapisu da fatahrafii, komiksaŭ i sučasnaha kino. Asobnyja vystavy buduć pryśviečany temam siamji, supolnaści, pracy, palityki i pryhod. Adkryćcio muzieja zapłanavana na 22 vieraśnia 2026 hoda.
Kamientary