Jak pieramahčy ŭ luboj sprečcy – i jak prajhrać sprečku da jaje pačatku

Pasiŭnaść — heta nie sposab pieramahčy ŭ sprečcy. Ale kali vy dumajecie pra toje, jak pieramahčy, vy prajhrajecie. Z punktu hledžańnia nieŭrałohii, kali pačynajecca sprečka, spyniajecca pierakanańnie.

Hrupa daśledčykaŭ pad kiraŭnictvam psichołaha Dru Uestena pastaviła niezvyčajny ekśpierymient, što apisvajecca ŭ knizie Uestena «Palityčny mozh».

Padčas pieradvybarčaj kampanii ŭ ZŠA ŭ 2004 hodzie navukoŭcy z dapamohaj mahnitna-rezanansnaj tamahrafii prasačyli za reakcyjaj mozha prychilnikaŭ Buša i Kery na videa, dzie ich kandydat supiarečyć samomu sabie.

Kali ludzi zaŭvažali, što infarmacyja kanfliktuje ź ich karcinaj śvietu, častki mozha, adkaznyja za łohiku, biaździejničali. Tym časam častki mozha, što adkazvajuć za reakcyju «bi ci ŭciakaj», uklučalisia.

To značyć, kali dyskusija pieratvarajecca ŭ sprečku, jana pierastaje być praktykavańniem u łohicy i stanovicca banalnaj bojkaj. U joj čałavieku nie istotna, chto pravy, a istotna pieramahčy. Kali chočacie niekaha pierakanać, sprečka — heta pravalny šlach.

Jak tady pieramahčy ŭ dyskusii? Spytajcie siabie, jakaja vašaja sapraŭdnaja meta.

Kali «ja chaču dakazać, što apanient niepravy» – zdavajciesia, ničoha nie dakažacie ŭ baraćbie z čałaviečaj pryrodaj. Kali «sam nie viedaju, jak toje pačałosia, ale my ž spračajemsia» – prosta pierastańcie spračacca. Mnohija sprečki žanatych par nie vyrašajucca nikoli, ale praz sprečki pary raspadajucca, a praz vychad sa sprečak – nie.

Kali niešta kštałtu «ja chaču paŭpłyvać na apanienta, kab jon rabiŭ pa-mojmu» – usio narmalna, možna vučycca pierakonvać. Dziela hetaha aŭtar pryvodzić śpis publikacyj.

Siarod ich 6 pryncypaŭ pieramoŭ sa złačyncami, što zachapili zakładnikaŭ. Kali ścisła:

1. Zadavajcie adkrytyja pytańni (adkaz na jakija nie «tak» ci «nie»).
2. Rabicie paŭzy (dajcie čas, kab apanient praciahvaŭ dumki).
3. Kažycie karotkija frazy zhody («tak», «OK», «razumieju»).
4. Paŭtarajcie apošniaje słova apanienta («…adčuvaju, što ŭsie vakoł mnoj kamandujuć» – «Kamandujuć, kažaš?»).
5. Pierafrazirujcie apanienta i paŭtarycie heta (nie aŭtamatyčna, a z asensavańniem i pieraasensavańniem).
6. Apisvajcie słovami emocyi apanienta («zdajecca, ty pakryŭdžany, jany z taboj byli niespraviadlivyja»).

Inšaja spasyłka – 6 pryncypaŭ pierakanańnia prafiesara univiersitetu štata Aryzona Robierta Čałdzini:

1. Uzajemazamiaščeńnie («ludzi lubiać tych, chto lubić ich»).
2. Uzajemnaść («rabi tak, jak chočaš, kab zrabili z taboj»).
3. Sacyjalnaje pierakanańnie (pryvodźcie ŭ prykład blizkich pa sacyjalnym stanie ludziej, siabroŭ apanienta, źviartajciesia pa dapamohu da roŭnych apanientu pa stanie).
4. Upadabańnie (kali apanientu spadabajecca sprava, ab jakoj jamu kažuć, jon za jaje voźmiecca; kali apanient vykazaŭ dumku dobraachvotna, jon budzie jaje adstojvać).
5. Aŭtarytet (pakazvajcie, što vy śpiecyjalist u spravie, niečaha dasiahnuli ŭ temie dyskusii).
6. Deficyt (prapanujcie niešta ŭnikalnaje i ekskluziŭnaje; pakazvajcie, što apanient atrymaje, idučy pa vašym šlachu).

Akramia taho, rekamiendujecca da aznajamleńnia viadomaja kniha psichołaha Dejła Karnehi «Jak zavajoŭvać siabroŭ i ŭpłyvać na ludziej», vydadzienaja jašče ŭ 1936 hodzie.

***

Pad zaviaršeńnie adna maleńkaja detal. Viedy ab tym, jak pieramahčy ŭ sprečcy, nie dajuć ničoha, aproč pieramohi ŭ sprečcy. Ad ich mo navat bolš strataŭ, bo paraza ŭ sprečcy —heta karysny dośvied na ŭsio žyćcio.

• 0
• 0
• 0
• 0
• 0
• 0
• 0
• 0