Hulnia pra kacianiat-bombačak sabrała bolš za miljon dalaraŭ za dzień
Na siervisie publičnaha finansavańnia (kraŭdfandynhu) Kickstarter adbyŭsia zaŭvažny «pierabor»: prajekt hulni Exploding Kittens sabraŭ za niapoŭny dzień 1,7 młn dalaraŭ z patrebnych 10 tysiač, a da zaviaršeńnia kampanii zastałosia jašče 29 dzion.
Exploding Kittens — prajekt kartačnaj hulni «dla ludziej, jakija lubiać kacianiat, vybuchi, łaziery i časam kazłoŭ». Stratehičnaja hulnia nahadvaje prasunuty varyjant «ruskaj ruletki». Hulcy nabirajuć karty, pakul niechta nie vyciahnie kaciania, što vybuchaje, — heta značyć parazu. Jość kartki, jakija abaroniać ad vybuchaŭ ci buduć zaminać apanientu.
Na stvareńnie hulni byli nieabchodnyja 10 tysiač dalaraŭ. Hetuju sumu hulnia nabrała za 20 chvilin. Za hadzinu ža na prajekt achviaravali 100 tysiač dalaraŭ. Na momant publikacyi prajekt sabraŭ 1,7 młn dalaraŭ ad 44 tysiač achviaravalnikaŭ.
Za achviaravańnie ŭ 20 dalaraŭ možna atrymać samu hulniu, a za 35 dalaraŭ — pašyranuju kałodu z kartami, što byli zanadta žudasnymi dla ŭklučeńnia ŭ asnoŭnuju kałodu.
Prajekt stvorany tryma amierykancami. Dva ź jakich pracujuć nad hulniovaj kansollu Microsoft Xbox, adzin z tych dvuch — taksama ŭ vydaviectvie komiksaŭ Marvel. Jašče adzin — stvaralnik komiksaŭ The Oatmeal.
***
Kraŭdfandynh – mietad finansavańnia prajektaŭ, pry jakim ludzi dabraachvotna pieradajuć hrošy na vytvorčaść jašče nie realizavanaha pradukta, pasłuhi ci mastackaha tvoru. Najvialikšaja płatforma kraŭdfandynha, Kickstarter, dapamahła sabrać miljony dalaraŭ na tysiačy prajektaŭ. Samy bujny z paśpiachova prafinansavanych – prajekt razumnych hadzińnikaŭ Peeble, na jaki było sabrana bolš za 10 miljonaŭ dalaraŭ.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy5
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary