Rymska-katalicki kaścioł u Biełarusi damohsia rehistracyi ŭłasnaj VNU
Rymska-katalicki kaścioł u Biełarusi damohsia rehistracyi ŭłasnaj vyšejšaj navučalnaj ŭstanovy — Minskaj teałahičnaj akademii imia śviatoha Jana Paŭła II. Adpaviednyja dakumienty na rehistracyju byli padpisanyja 17 lutaha, paviedamlaje aficyjny partał kaścioła catholic.by.
Zarehistravać svaju VNU kaścioł sprabavaŭ trojčy. Ad momantu rehistracyi akademija ź`iaŭlajecca jurydyčnaj asobaj, jakaja dziejničaje pavodle zaćvierdžanaha statuta. Navučańnie ŭ VNU budzie vieścisia ŭ dvuch napramkach: padrychtoŭka katalickich śviataroŭ i teałahičnaja adukacyja śvieckich asobaŭ.
«Pakul što novaja ŭstanova nie maje svajho budynka, tamu jana była zarehistravanaja ŭ adnym z damoŭ, jakija naležać da dabračynnaj arhanizacyi «Karytas» Minska-Mahiloŭskaj archidyjacezii. Minskaja akademija pavinna znachodzicca ŭ Minsku. My nie chacieli b zaciahvać ź jaje budaŭnictvam, ale spačatku treba atrymać dazvoł na budaŭnictva akademii», — cytuje katalicki partał mitrapalita Minska-Mahiloŭskaha arcybiskupa Tadevuša Kandrusieviča.
Chutkim časam uładam stalicy buduć pieradadzienyja dakumienty z prośbaj ab vydzialeńni ziamli pad budaŭnictva hetaj akademii, paśla pačniecca etap stvareńnia prajekta, jaki nieabchodna budzie uzhadnić u šerahu profilnych dziaržaŭnych orhanaŭ.
«Užo šmat hadoŭ ludzi vykazvali svaje pažadańni mieć u Minsku vyšejšuju katalickuju navučalnuju ŭstanovu. Siońnia takaja mahčymaść ažyćciaŭlajecca. Minsk — heta stalica Biełarusi. Tut skancentravany jaje navukovy i kulturny patencyjał, jaki budzie ŭzbahačany akademijaj. Teałahičnaja akademija padymie imidž Biełarusi i budzie spryjać dalejšamu raźvićciu biełaruskaj kultury, abahačajučy jaje duchoŭnym źmiestam. Heta važna dla kaścioła, jakomu patrebnyja svaje jakasna padrychtavanyja śviatary i śvieckija asoby. Heta važna taksama i dla stalicy, a taksama dla našaj krainy», — padkreśliŭ arcybiskup Kandrusievič.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary