Alaksandr Łukašenka raźličvaje na raźvićcio supracoŭnictva z Łatvijaj i inšymi krainami Jeŭrasajuza bieź jakich-niebudź praduziataściej.
BiełTA
Ab hetym kiraŭnik biełaruskaj dziaržavy zajaviŭ siońnia na sustrečy ź ministram zamiežnych spraŭ Łatvii Edharsam Rynkievičsam.
«U nas jość pytańni, jakija my pastajanna pavinny trymać u poli zroku, abmiarkoŭvać ich i, kali atrymajecca, znachodzić prymalnyja rašeńni. U mianie jakich-niebudź praduziataściej u adnosinach da Łatvii nikoli nie było, niama i, ja spadziajusia, nie budzie. My zaŭsiody znachodzili ahulnuju movu z našymi partniorami, asabliva ŭ handlova-ekanamičnaj śfiery. Daj boh nam ź inšymi dziaržavami tak supracoŭničać», — skazaŭ kiraŭnik Biełarusi.
Alaksandr Łukašenka padkreśliŭ, što ŭ Biełarusi i Łatvii jość nie tolki ahulny intares da raźvićcia supracoŭnictva, ale i ŭ niekatoraj stupieni ŭzajemazaležnaść adzin ad adnaho.
«U nas jość vielmi šmat prajektaŭ pa raźvićci infrastruktury, asabliva partovaj u vašaj dziaržavie. Ja baču, što i dziaržava, i pryvatny biźnies Łatvii idzie nam nasustrač. Tamu ŭ dvuchbakovych adnosinach my płanujem i spadziajomsia, što, niahledziačy na niekatoryja praduziataści z boku asobnych palitykaŭ u Łatvii (dy i nie tolki - na Zachadzie), nam udasca, pieraadoleŭšy ich, rušyć napierad adnosna supracoŭnictva ŭ ekanamičnaj śfiery», - adznačyŭ biełaruski lidar.
Kiraŭnik dziaržavy kanstatavaŭ, što biełaruska-łatvijskija palityčnyja i dypłamatyčnyja adnosiny krychu adstajuć ad uzroŭniu handlova-ekanamičnych.
«Ale heta lepš, čym adstavali b ekanamičnyja i handlovyja adnosiny. Liču, što datyčycca palityki, my zaŭsiody zdolny nahnać heta adstavańnie. Spadziajusia, što vaš vizit jakraz źviazany z tym, kab padciahnuć našy palityčnyja adnosiny na samy vysoki ŭzrovień», — zajaviŭ jon.
Alaksandr Łukašenka taksama padkreśliŭ, što Biełaruś u pieršuju čarhu ŭ svajoj źniešniaj palitycy aryjentujecca na padtrymańnie mocnych i družalubnych adnosin z krainami-susiedziami.
Biełaruski bok taksama raźličvaje na sadziejničańnie Łatvii ŭ raźvićci ŭzajemadziejańnia Biełarusi ź inšymi krainami Jeŭrasajuza.
Tym bolš što Łatvija ŭ pieršym paŭhodździ 2015 hoda staršynstvuje ŭ ES. «My zaŭsiody zajaŭlali i havaryli: pry tym, što ŭ nas vielmi družalubnyja adnosiny z susiedziami - Rasijaj, Łatvijaj, Litvoj, Polščaj, Ukrainaj - my bačym technałahičny Zachad, jaki nam vielmi patrebny. Zachad, jaki vałodaje resursami. My vielmi šmat pazyčajem tam srodkaŭ pad kankretnyja prajekty pa zachodnich technałohijach, - adznačyŭ biełaruski lidar. - Tamu kali Łatvija dapamoža nam jašče bolš zblizicca ź ES u pieryjad svajho staršynstva (i nie tolki), my vam budziem vielmi ŭdziačnyja»
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy35
Kamientary