U Piaskach z hranatamiota paranieny biełaruski bajec «Leŭ»
Na minułym tydni stała viadoma pra zbor hrošaj dla paranienaha biełaruskaha bajca «Pravaha siektara» «Lva». Jamu patrebny kampresiŭna-dystrakcyjny aparat Ilizarava. My patelefanavali ŭ dnieprapiatroŭski špital, dzie ciapier znachodzicca na lačeńni biełarus.
«Naša Niva»: Kali Vas paraniła, jak uvohule ciapier majeciesia?
Leŭ: Dy ŭ pryncypie ŭsio narmalna. Paraniła mianie ŭ Pieskach. Mierkavana, što z AHS [aŭtamatyčny hranatamiot stankovy – «NN»]. Heta adbyłosia 17 sakavika, užo paśla tak zvanaha «pieramirja». Bai tam nie spynilisia ni na dzień. Pastrelvajuć ad ranicy da viečara.
«NN»: Pracuje ŭ asnoŭnym artyleryja?
Ł: Dy nie, nie tolki. Pracujuć snajpiery. Prynamsi, kali ja tam byŭ. Ciapier tam užo krychu inšaja vajna i pracujuć, sapraŭdy, artyleryja i minamioty.
«NN»: Vas paraniła ŭ nahu?
Ł:
Tak, u nahu. Jašče adzin askołak trapiŭ u pravuju skroń. Mnie jašče pašancavała, što tak lohka abyšłosia. U nastupny dzień ja byŭ u Krasnaarmiejsku, dzie vajennyja lekary zrabili ŭsio mahčymaje. Chirurhi vielmi dobra skłali maju nahu, prafiesary acanili ich rabotu vysoka. Praz paŭtara miesiaca mnie skazali, što možna pačynać stupać na nahu. Heta ŭsio ž adkryty pierałom, tamu ciažka hoicca.
«NN»: U špitali vy razam z takimi samymi ludźmi lažycie, chto byŭ paranieny na froncie?
Ł: U pryncypie, tak. Chacia ŭ pałacie ja lažu ŭ asnoŭnym adzin. Ale ŭ cełym u balnicy vielmi šmat takich. Umovy narmalnyja.
«NN»: Kali ja zvaniŭ vam u vieraśni, to vy byli ŭ bataljonie «Danbas», ciapier u «Pravym siektary». Čamu?
Ł: Usio pravilna. Nam abiacali lehalizacyju ŭ «Danbasie». Zdajecca, Avakaŭ kazaŭ, kab pavajavali krychu, a paśla hetaje pytańnie vyrašycca. Praŭda, tak ničoha z hetym i nie zrušyłasia. U «Pravym siektary» ja kala dvuch miesiacaŭ. U Piaskach ja ž prabyŭ usiaho tydzień. Heta takaja niaščasnaja vypadkovaść. Išoŭ na pazicyju, adbyŭsia vybuch. Nikudy schavacca nie ŭdałosia.
«NN»: Vy ŭžo nie pieršy raz źjaŭlajeciesia ŭ navinach, moža raskažacie niešta pra siabie?
Ł:
Ja rodam z Maładziečna. U Biełarusi byŭ u ruchu «Zubr». Potym hetaja arhanizacyja razvaliłasia. Nijakaj inšaj alternatyvy «Zubru» ja nie znajšoŭ. Ja šmat padarožničaŭ pa Jeŭropie — Narviehija, Ispanija i inšyja krainy. Prosta było cikava ludziej pahladzieć, jak u hetych krainach usio arhanizavana.
«NN»: Vy ž da Ukrainy nie brali ŭdziełu ŭ bajavych dziejańniach ?
Ł: Zajmaŭsia rukapašnym bojem, bajavymi adzinaborstvami. Viedajecie, heta, pa vialikim rachunku, toje samaje. Adzinaje, što roznaje ŭzbrajeńnia. U bajavych mastactvach ty karystaješsia chałodnaj zbrojaj, a tut inšaja zbroja.
«NN»: U Biełaruś nazad viartajeciesia, ci ŭžo šlachu nazad niama?
Ł: Kaniečnie, budu viartacca. Ale, mabyć, nie chutka.
«NN»: Biełarusaŭ mnoha bačyli na vajnie?
Ł: Ja b nie chacieŭ by adkazvać na hetaje pytańnie. Navošta lić vadu na młyn našych vorahaŭ? Jość ruskija tut, jość biełarusy, roznyja nacyjanalnaści.
«NN»: A jakuju dla siabie pierśpiektyvu bačycie?
Ł: Ja dumaju, što pierśpiektyva ŭ mianie pa-lubomu jość. A va Ukrainie ci dzieści jašče — heta ŭžo nie tak važna. Kali byli b narmalnyja mahčymaści, to ja z radaściu zastaŭsia b vajskoŭcam. Ale ja krychu rasčaravany. U vojska pryzyvajuć tych, chto nie hatovy i nie choča zmahacca za krainu. Ich chočuć prymusić, ale ž heta niemahčyma. A tyja, chto hatovyja da realnaj baraćby, niejkim dziŭnym čynam traplajuć u «miasarubki», dzie častka bajcoŭ hinie, a častka atrymlivaje ranieńni.
* * *
Pieravieści hrošy na lačeńnie «Lvu» možna pa nastupnych rekvizitach:
Dalaravy rachunak:
INTERMEDIARY BANK: DEUTSCHE BANK TRUST COMPANY, AMERICAS, NEW YORK
SWIFT CODE: BKTRUS 33, 280 PARK AVENUE, NEW-YORK NY 10017, USA
BENEFICIARY BANK: THE STATE EXPORT-IMPORT BANK OF UKRAINE,
SWIFT CODE: EXBSUAUX,
127, GORKOGO STR, KIEV, UKRAINE
card holder Halchenko Olha Pavlivna
visa card №4402711635653601
Address: Frunze str.26/2 appt.11, 04070 Kyiv Ukraine
Hryŭnievy rachunak:
5168 7553 8825 2401 Pryvatbank
MFO 305299
JEDRPOU 14360570
Aleksandra Alešina
Kamientary