U ahraharadku Mikicicha Šumilinskaha rajona miascovyja žychary zaŭvažyli miedźviedziania. Na videa, jakoje źjaviłasia ŭ tyktoku, vidać, jak jano sprabuje praleźci praź sietkavuju aharodžu kala miascovaj škoły, ale zrabić heta jamu nie ŭdałosia.
Heta ŭžo jak minimum treci vypadak za apošni tydzień, kali miadźviedzi źjaŭlajucca pablizu nasielenych punktaŭ u Viciebskaj vobłaści. Raniej takija vypadki adznačalisia ŭ Hłybokim i ŭ vioscy Laskovičy taho ž Šumilinskaha rajona.
U hetym vypadku miedźviedziania viarnułasia nazad da miadźviedzicy.
Śpiecyjalisty nahadvajuć, što pry sustrečy ź dzikimi žyviołami nie varta nabližacca da ich abo sprabavać samastojna dapamahčy, tym bolš što pobač moža akazacca maci, jakaja budzie abaraniać svajo dzicia.
Kamientary