U piatnicu 17 krasavika «Hazieta.Ru» apublikavała intervju ministra abarony Hrecyi Panasa Kamienasa, u jakim jon nazyvaŭ urad Ukrainy «fašysckim» i vinavaciŭ jaho ŭ napadkach na hreckaje nasielnictva ŭ Krymie.
«Tak, sapraŭdy, hreckaje nasielnictva ŭ Krymie padvierhnułasia napadkam z boku fašysckaha ŭrada Ukrainy, i abaronaj dla hrečaskich siemjaŭ tam stała prysutnaść rasijskich sił», — cytavała vydańnie Kamienasa.
Na ŭdakładniajučaje pytańnie, ci nie zanadta žorstkuju charaktarystyku jon daje ŭradu Ukrainy, Kamienas nibyta adkazaŭ: «Ja ŭčora abmiarkoŭvaŭ hetaje pytańnie z patryjarcham Kiryłam — u nas ahulnaja Carkva, my vierym u adny i tyja ž kaštoŭnaści, i prosta niemahčyma było nie abaranić hrekaŭ ad fašysckaha ŭrada Ukrainy».
MZS Ukrainy źviarnułasia pa tłumačeńni da pasolstva Hrecyi va Ukrainie, jakoje abvierhła skazanaje Kamienasam: jaho «zajava» akazałasia čarhovym fejkam rasiejskaj prapahandy.
Pasoł Hrecyi va Ukrainie zajaviŭ, što Kamienas nikoli nie kazaŭ hetych słoŭ, a Hrecyja ŭsio tak ža asudžaje ahresiju Rasiei na ŭschodzie Ukrainy i nie pryznaje aneksiju Kryma.
Takim čynam, paviedamlenaja infarmacyja apynułasia banalnym «ukidam» ad resursu «Hazieta.ru».
Kamientary