Prezident Čechii Miłaš Zeman zajaviŭ ahienctvu Asašyejted pres, što rasijski lidar Uładzimir Pucin nie samahubca i ŭśviedamlaje nastupstvy mahčymaha napadu na Litvu, Łatviju i Estoniju.
AP
«Ja nie bajusia rasijskaha ŭvarvańnia ŭ krainy Bałtyi, bo my nie možam vykazać zdahadku, što kiraŭnictva Rasii nastolki durnoje, kab ździejśnić takoje samahubstva», — zajaviŭ jon.
Zeman taksama zakranuŭ kanflikt va Ukrainie i rasijskuju rolu ŭ im. Pa słovach češskaha lidara, aneksavać uschod Ukrainy dla Rasii ekanamična niavyhadna.
«Ja miarkuju, Rasija zadavolena anieksijaj Kryma, i sumniavajusia, što mahčyma ŭvarvańnie na ŭschod Ukrainy. Prosta tamu što rehijon byŭ razburany hramadzianskaj vajnoj, i Maskvie daviadziecca karmić niekalki dziasiatkaŭ miljonaŭ hałodnych ratoŭ, a na heta ŭ Rasii prosta nie chopić ekanamičnych mahčymaściaŭ», — skazaŭ češski lidar.
«Kali Rasija nie ŭvarviecca na ŭkrainskuju ziamlu, ja dumaju, sankcyi buduć pastupova źniatyja. Ja znachodžu ich kontrpraduktyŭnymi — hetak ža, jak i byłyja sankcyi suprać Kuby», — dadaŭ Zeman.
Kamientary