Jak paviedamili ŭ pres-słužbie Dziaržaŭnaha mytnaha kamiteta, u respublikanski punkt mytnaha afarmleńnia «Urbany» Viciebskaj mytni na miažy z Łatvijaj prybyŭ hruzavy aŭtamabil Iveco z paŭpryčepam, u jakim pieramiaščaŭsia ŭ jakaści tavaru tank T-34-85 1945 hoda vypusku. Vadziciel fury prapanavaŭ da mytnaha afarmleńnia hruz, a taksama supravadžalnyja i inšyja dakumienty. Jak udakładnili ŭ DMK, tank pieravoziŭsia ŭ Rasijskuju Fiederacyju.
Pry praviadzieńni pravieračnych mierapryjemstvaŭ pa fakcie zakonnaści ŭvozu na terytoryju Mytnaha sajuza tanka T-34 supracoŭnikami adździeła pa baraćbie z kantrabandaj Viciebskaj mytni z pryciahnieńniem śpiecyjalistaŭ Ministerstva abarony była praviedzienaja identyfikacyja tavaru. «Ustanoŭlena, što vyšejzhadany tank T-34 adnosicca da pradukcyi vajennaha pryznačeńnia. Tank T-34-85 1945 hoda vypusku papiarednim acenačnym koštam 636,4 młn. biełaruskich rubloŭ zatrymany. Mytniaj raspačaty administracyjny praces», — paviedamlaje DMK.
Usiaho za studzień—sakavik 2015 hoda mytnymi orhanami kanfiskavanyja 26 adzinak ahniastrelnaj, traŭmatyčnaj i chałodnaj zbroi, a taksama bojeprypasaŭ.
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier16
Kamientary