Maraki i vajskoŭcy z 17 krain buduć udzielničać u šmatnacyjanalnych vajenna-marskich vučeńniach BALTOPS 2015 u Bałtyjskim mory i na terytoryi Polščy, Švecyi, Niamieččyny.
Vučeńni BALTOPS pravodziacca kožny hod u červieni dla raźvićcia hnutkaści i supracoŭnictva fłatoŭ NATA i partnieraŭ NATA. Sioleta jany projduć z 5 pa 20 červienia.
Dadatkovaj metaj vučeńniaŭ źjaŭlajecca demanstracyja rašučaha namieru abaraniać siabroŭ NATA i sajuźnikaŭ ZŠA ŭ Bałtyjskim rehijonie, paviedamlaje aficyjny sajt fłota ZŠA.
Manieŭry pravodziacca sa sponsarskaj dapamohaj ZŠA, adnak kamandavać imi budzie Kamandujučy marskoj hrupiroŭkaj NATA ŭ Jeŭropie.
U vučeńniach voźmuć udzieł 5,6 tys. bajcoŭ naziemnych, marskich i pavietranych vojskaŭ, 49 nadvodnych karabloŭ, 1 padvodnaja łodka, 61 samalot. Jany buduć razam arhanizoŭvać supraćpavietranuju abaronu, vučycca pierachoplivać varožyja karabli, zmahacca z padvodnymi łodkami praciŭnika i vysadžvać desant.
Sioleta ŭ BALTOPS abjadnalisia siły Bielhii, Kanady, Danii, Estonii, Finlandzii, Francyi, Hiermanii, Hruzii, Łatvii, Litvy, Niderłandaŭ, Narviehii, Polščy, Šviecyi, Turcyi, Vialikabrytanii i ZŠA.
Kamientary