Amierykanski piśmieńnik, aŭtar ramanaŭ «Rehtajm» i «Bili Bathiejt» Edhar Łorens Daktarou pamior u ńju-jorkskaj balnicy na 85-m hodzie žyćcia.
Pryčynaj śmierci stali ŭskładnieńni, vyklikanyja rakam lohkaha.
U svaich tvorach Daktarou pieraasensoŭvaŭ amierykanski dośvied, źmiaščajučy vydumanych piersanažaŭ u viadomy histaryčny kantekst. «Historyja — heta sapraŭdnaje. Tamu kožnaje pakaleńnie piša jaje nanova», - kazaŭ jon.
Edhar Daktarou naradziŭsia ŭ 1931 h. u Bronksie (Ńju-Jorku) u siamji dziaciej jaŭrejskich emihrantaŭ ź Minskaj hubierni.
Za svaju 50-hadovuju piśmieńnickuju karjeru Edhar Łorens Daktarou napisaŭ 10 ramanaŭ. Samyja viadomyja ź ich: «Rehtajm» (1975) - pra Ńju-Jork pačatku XX stahodździa i ab asensavańni amierykanskim hramadstvam vytokaŭ svajoj sučasnaj historyi, «Bili Bathiejt» (1989) — pra Ńju-Jork 1930-ch — i «Marš» (2005) pra Hramadzianskuju vajnu ŭ ZŠA.
Try ramany Daktarou, u tym liku «Rehtajm», byli ekranizavanyja.
Jon taksama vydaŭ adnu pjesu, dva zborniki karotkich apaviadańniaŭ i šmatlikija ese i kamientary na temu litaratury i palityki.
U minułym hodzie, pry ŭručeńni jamu premii Biblijateki kanhresa ZŠA ŭ halinie mastackaj litaratury, Daktarou nazvali «amierykanskim Čarlzam Dzikiensam».
Prezident ZŠA Barak Abama nazvaŭ Edhara Łorensa Daktarou «adnym z najvialikšych amierykanskich ramanistaŭ». «Jaho knihi mnohamu mianie navučyli. Nam budzie jaho brakavać», - napisaŭ Abama ŭ tvitary.
Kamientary