Žonka palitviaźnia Mikałaja Statkieviča, kiraŭnik inicyjatyŭnaj hrupy pa jaho vyłučeńni kandydatam u prezidenty Maryna Adamovič 22 lipienia padała ŭ Viarchoŭny sud skarhu na admovu ŭ rehistracyi inicyjatyŭnaj hrupy Statkieviča.
Nahadajem, rašeńnie admović u rehistracyi inicyjatyŭnaj hrupy Statkieviča było pryniata na pasiadžeńni Centrvybarkama 20 lipienia.
Adamovič paviedamiła, što rašeńnie pra abskardžańnie dziejańniaŭ Centrvybarkama joju było pryniata 20 lipienia jašče padčas pasiadžeńnia kamisii. «My miarkujem, i dumaju, što abhruntavana miarkujem, što nierehistracyjaj inicyjatyŭnaj hrupy parušanyja pravy 1.700 hramadzian, jakija ŭvachodziać u skład inicyjatyŭnaj hrupy», — skazała žonka palityka.
Jak zaznačyła Adamovič, u Viarchoŭnaha suda jość try dni na razhlad skarhi. Pavodle jaje słoŭ, u sudzie joj było skazana, što razhlad skarhi moža adbycca 24 lipienia.
Nahadajem, sakratar CVK Mikałaj Łazavik, kamientujučy 20 lipienia rašeńnie Centrvybarkama, skazaŭ: «Ja dumaju, što hrupa Statkieviča dobra razumieje, što nijakich jurydyčnych pretenzij ź ich boku niama i być nie moža. Ale ja razumieju, što heta palityčny ruch, i palityčny ruch nie zaŭsiody kirujecca zakonam. Jany prašturchoŭvajuć, prasoŭvajuć svaju palityčnuju ideju, dla ich heta bolš važna, čym sami vybary. Jany viedajuć, što my pastupili ŭ poŭnaj adpaviednaści z vybarčym zakanadaŭstvam».
Kamientary